ქართულმა ჯგუფმა Tape Visitors მუსიკალური ვიდეო გამოუშვა. კლიპი გადაღებულია სიმღერაზე Young Folks. ეს არის პირველი სინგლი Tape Visitors-ის ახალი EP-დან, რომელსაც ბენდი უახლოეს მომავალში გამოსცემს.
ვიდეოს ხასიათი თავად სიმღერის დინამიკამ განსაზღვრა. როგორც ბენდის ვოკალისტი ლიკა სირაძე Billboard Georgia-სთან საუბრისას ამბობს, ვიდეოს იდეა სიმღერის დასრულებისა და პირველი მოსმენის შემდეგ მალევე ჩამოყალიბდა.
ლიკა სირაძე:
„მას შემდეგ, რაც ვიდეოს იდეა გაჩნდა, ჩვენს მეგობარ თიკა ხარაიშვილს მივმართეთ. ის ბენდის ფოტოგრაფია და ვიდეო სულ რაღაც ერთ დღეში გადაგვიღო. გადაღება საკმაოდ სახალისო პროცესი აღმოჩნდა. გვინდა, მსმენელმა დაინახოს ის განწყობა, რასაც Young Folks ჩვენში იწვევს. ვფიქრობთ, ვიდეოში ეს კარგად გადმოვეცით.”
რაც შეეხება სამომავლო გეგმებს, ბენდი ამჟამად EP-ზე მუშაობს და, როგორც ლიკა სირაძე ამბობს, ბენდი ნამუშევარს მსმენელს სავარაუდოდ ერთ-ორ თვეში წარუდგენს.
ნახეთ Tape Visitors-ის ახალი კლიპი – Young Folks:
