The Weeknd და Playboi Carti ახალ სიმღერას აქვეყნებენ სახელწოდებითTimeless. დუეტი მუსიკოსებმა პირველად სექტემბრის დასაწყისში ბრაზილიაში, The Weeknd-ის კონცერტზე შეასრულეს.
წყვილის ბოლო თანამშრომლობა 2023 წლის ივნისში მადონასთან ერთად შედგა სიმღერაზე Popular, The Weeknd-ის HBO-ს სერიალისთვის The Idol. კომპოზიცია Billboard Hot 100-ში 43-ე ადგილით შევიდა. 2024 წლის ივნისში კი ამერიკის ხმის ჩამწერმა ასოციაციამ მას პლატინის სერტიფიკატი მიანიჭა.
Timeless მეორე ოფიციალური სინგლია The Weeknd-ის მომავალი ალბომიდან Hurry Up Tomorrow, რომელიც მესამე და ბოლო ნაწილი იქნება მუსიკოსის After Hours/Dawn Fm ტრილოგიისა. ალბომის პირველი სინგლი Dancing in the Flames მე-14 ადგილზე გავიდა Billboard Hot 100-ში. რაც შეეხება Playboi Carti-ს, მისი ბოლო სინგლი All Red, მომავალი ალბომიდან I Am Music, პირველად მოხვდა R&B/ჰიპ-ჰოპ ჩარტის ტოპ ათეულში, როგორც სოლო არტისტის ნამუშევარი. წელს მუსიკოსი Hot 100-ის პირველ ადგილზეც გავიდა – კანიე უესტსა და ტაი დოლა საინთან ერთობლივი სიმღერით Carnival.
