შემოდგომაზე ცნობილი ანიმაციის, „მოანას” მეორე ნაწილი გამოვა. 26 სექტემბერს დაანონსებული ანიმაციის ერთ-ერთი საუნდტრეკის, We’re Back-ის ფრაგმენტი მეორე ნაწილის აქამდე უცნობ კადრებთან ერთად გამოქვეყნდა.
„მოანა 2” უკვე ნაცნობი ანიმაციის გაგრძელებაა. „წინაპრებმა მომიწოდეს, რომ ჩვენი ხალხი მთელი ოკეანის გადაღმა გავაერთიანოთ“, – ამბობს ზრდასრული მოანა. პარალელურად კი ოკეანიაში მისი მოგზაურობის სცენებს ვხედავთ. „ჩემი მისიაა, დავასრულო ის, რაც დაიწყო. ეს უფრო რთული იქნება, ვიდრე ყველაფერი, რაც აქამდე გვინახავს“.
ახალ ნაწილში მოანას მაუის პერსონაჟი უერთდება. როგორც ანიმაციის აღწერაში ვკითხულობთ, მას შემდეგ, რაც მოანასთან მისი წინაპრები მოულოდნელად გავიდნენ კონტაქტზე, მთავარმა გმირმა შორეულ ზღვებში უნდა იმოგზაუროს. შინაარსიდან ირკვევა, რომ მთავარ გმირს სახიფათო და ამავდროულად მხიარული თავგადასავალი ელის.
მოანას პერსონაჟს აული კრავალო ახმოვანებს, ხოლო მაუის პერსონაჟს – დუეინ ჯონსონი. სამსახიობო გუნდში ასევე არიან რეიჩელ ჰაუსი, ტემუერა მორისონი, ნიკოლ შერზინგერი. სიქველში ასევე გამოჩნდებიან ახალი პერსონაჟები – მონი, კელე და ლოტო. ახალ გმირებს ჰუალალაი ჩანი, დევიდ ფეინი და როუზ მატაფეო გაახმოვანებენ.
„მოანა 2” მსოფლიო კინოთეატრების ეკრანებზე 27 ნოემბრიდან გამოჩნდება.
ნახეთ დაანონსებული ანიმაციის თიზერი:
