დრეიკსა და კენდრიკ ლამარს შორის დაპირისპირება თითქოს წარსულს ჩაბარდა, თუმცა ამ ამბის ყველაზე ხმაურიანი ტრეკი, კენდრიკ ლამარის Not Like Us, რეკორდულ ნამუშევრად იქცა. Billboard-ის Hot Rap Songs ჩარტში მან უპრეცედენტო ხანგრძლივობით, 21 კვირით შეინარჩუნა ლიდერობა, რითაც Lil Nas X-ის 2019 წლის ჰიტის, Old Town Road-ის რეკორდი მოხსნა.
Not Like Us 4 მაისს რეპერების დაპირისპირების კულმინაციის პერიოდში გამოიცა. ნამუშევარმა რეკორდული მაჩვენებელი ჩარტის სამი ძირითადი კრიტერიუმის მიხედვით დააფიქსირა: სტრიმინგი, გაყიდვები და რადიო ეთერი.
Luminate-ის მონაცემებით, შეერთებული შტატების მასშტაბით ბოლო კვირაში ტრეკი 17.1 მილიონი ოფიციალური სტრიმით დაწინაურდა. ლამარის ჰიტი ასევე ინარჩუნებს მე-7 პოზიციას Radio Songs ჩარტში, სადაც ყველა ჟანრი ერთიანდება.
Not Like Us აგრძელებს კენდრიკ ლამარის მონოპოლიას Hot Rap Songs-ის ჩარტში. მხოლოდ ივნისში, ემინემის Husini-მ შეძლო და ლამარის ტრეკს ერთი კვირით ჩამოართვა ლიდერის სტატუსი.
