ყველამ ვიცით, რომ გასული წლის მუსიკალურ სცენაზე ქალები დომინირებდნენ, თუმცა MTV-ის ევროპის მუსიკალური დაჯილდოების ნომინაციებმა მოლოდინს გადააჭარბა: 2024 წლის EMA-ზე ყველაზე მეტი ნომინაციის მქონე 11 არტისტიდან 10 სწორედ ქალია. ლიდერთა სიის ერთადერთი კაცი კი კენდრიკ ლამარია, რომელიც ოთხ კატეგორიაშია წარდგენილი.
სიის სათავეში ტეილორ სვიფტია შვიდი ნომინაციით. მათ შორისაა საუკეთესო არტისტი, საუკეთესო ვიდეო, საუკეთესო პოპი და ყველაზე დიდი ფანკლუბი. არიანა გრანდე, ბილი აილიში, Charli XCX და საბრინა კარპენტერი თანაბრად ინაწილებენ 5-5 ნომინაციას. მათ ოთხი ნომინაციით მოსდევენ არია სტარი, ბიონსე, ლისა, ჩაპელ როუნი, ტაილა და კენდრიკ ლამარი.
წლევანდელი დაჯილდოების ნომინანტები თვალსაჩინოს ხდიან პოპმუსიკის გლობალიზაციასაც. Charli XCX ინგლისიდანაა, სტარი – ნიგერიიდან, ლისა – ტაილანდიდან (თუმცა ცნობილი გახდა სამხრეთ კორეული ჯგუფიდან BLACKPINK), ტაილა კი – სამხრეთ აფრიკიდან.
საუკეთესო ვიდეოს კატეგორიაში გამარჯვებულს თავად MTV გამოავლენს. ნომინანტები არიან: არიანა გრანდეს We Can’t Be Friends (Wait for Your Love), Charli XCX-ის 360, ემინემის Houdini, კენდრიკ ლამარის Not Like U, ლისას New Woman და ტეილორ სვიფტის Fortnight. დანარჩენ ნომინაციებში კი გამარჯვებულები ხმის მიცემით გამოვლინდებიან. ხმის მიცემა 6 ნოემბრამდე MTV-ის ვებსაიტიდან იქნება შესაძლებელი.
დაჯილდოება კვირას, 10 ნოემბერს მანჩესტერში გაიმართება. გასული წლის ცერემონია პარიზში 5 ნოემბერს იყო დაგეგმილი, თუმცა ორი კვირით ადრე ისრაელი-ჰამასის ომის გამო გაუქმდა. მისი არსებობის 30-წლიან ისტორიაში ეს EMA-ს გაუქმების პირველი შემთხვევა იყო.
წელს მერვე შემთხვევა იქნება, როცა EMA დიდ ბრიტანეთში ტარდება. ცერემონიას აქამდე სამჯერ უმასპინძლა ლონდონმა, ასევე სხვადასხვა წელს დაჯილდოება გაიმართა ლივერპულში, ედინბურგში, ბელფასტში, ჩრდილოეთ ირლანდიასა და გლაზგოში.
ნახეთ 2024 წლის MTV EMA-ს ნომინანტები:
საუკეთესო სიმღერა:
არიანა გრანდე – We Can’t Be Friends (Wait for Your Love)
ბენსონ ბუნი – Beautiful Things
ბიონსე – Texas Hold ‘Em
ბილი აილიში – Birds of a Feather
ჩაპელ როუნი – Good Luck, Babe!
საბრინა კარპენტერი – Espresso
საუკეთესო ვიდეო:
არიანა გრანდე – We Can’t Be Friends (Wait for Your Love)
Charli XCX – 360
ემინემი – Houdini
კენდრიკ ლამარი – Not Like Us
ლისა feat. როსალია – New Woman
ტეილორ სვიფტი feat. Post Malone – Fortnight
საუკეთესო არტისტი:
ბიონსე
ბილი აილიში
Post Malone
Raye
საბრინა კარპენტერი
ტეილორ სვიფტი
საუკეთესო პოპი:
არიანა გრანდე
ბილი აილიში
კამილა კაბეიო
Charli XCX
დუა ლიპა
საბრინა კარპენტერი
ტეილორ სვიფტი
საუკეთესო როკი:
ბონ ჯოვი
Coldplay
Green Day
Kings of Leon
ლენი კრავიცი
ლიამ გალაგერი
The Killers
საუკეთესო ჰიპ-ჰოპი:
Central Cee
ემინემი
კენდრიკ ლამარი
Megan Thee Stallion
ნიკი მინაჟი
ტრევის სკოტი
ყველაზე დიდი ფანკლუბი:
Anitta
არიანა გრანდე
ბიონსე
ბილი აილიში
ჩაპელ როუნი
Charli xcx
კეტი პერი
ლისა
ნიკი მინაჟი
საბრინა კარპენტერი
შონ მენდესი
ტეილორ სვიფტი
ნომინაციების სრული სია ნახეთ ბმულზე.
