ფარელ უილიამსმა ახალი ვიდეოკლიპი გამოაქვეყნა მუსიკოსზე შექმნილი ანიმაციური ფილმის სახელწოდების მქონე სიმღერაზე Piece By Piece. და ისევე, როგორც მორგან ნევილის რეჟისორობით შექმნილი ფილმის, რომელიც ამჟამად კინოთეატრებშია, ასევე ნევილის მიერ გადაღებული ვიდეოკლიპის სიუჟეტიც ლეგოს სამყაროში ვითარდება.
კლიპში ფარელის ლეგო პერსონაჟი თავის მუსიკალურ ლაბორატორიაში მუშაობს , სადაც გამოცდის სინესთეზიას, რომელიც მას საშუალებას აძლევს, დაინახოს მუსიკა. კლიპში ყველაფერი მინიატურული ზომის ლეგოს ფიგურებითაა შექმნილი, უილიამსის ურიცხვი გულშემატკივრები, თეთრი და ლურჯი კუბიკების ოკეანე, რომელიც მუსიკოსის მშობლიური ვირჯინია-ბიჩის სანაპიროზე ტალღებს ქმნის და ა.შ.
სიმღერასთან ერთად ასევე გამოვიდა ფილმის სრული საუნდტრეკი. მასში შედის უილიამსის ხუთი ორიგინალი სიმღერა და 16 ძველი კომპოზიცია ფარელის შემოქმედებიდან, მათ შორის დუეტები სნუპ დოგთან, ჯეი ზისთან, გვეტ სტეფანისთან, კენდრიკ ლამართან, ჯასტინ ტიმბერლეიკსა და Clipse-თან.
ნახეთ Piece By Piece-ის ვიდეო:
