რიანა ამერიკული ფეხბურთის ყველაზე სანახაობრივი შოუს, სუპერ ბოულის მომავალ ჰედლაინერად კენდრიკ ლამარის წარდგენის იდეას იწონებს. „ეს ასეც უნდა იყოს.“ – ამბობს პოპ-ვარსკვლავი.
24 ოქტომბერს ჟურნალ Entertainment Tonight-ში რიანას ინტერვიუ გამოქვეყნდა, სადაც ჟურნალისტი მას კენდრიკ ლამარისა და Super Bowl-ის შოუზე ეკითხება.
„ძვირფასო, ის ბრილიანტია საქორწინო ბეჭედზე. ეს ასეც უნდა იყოს! ის კენდრიკ ლამარია! კენდრიკ ლამარი დიდებულად გაართმევს თავს ამ ყველაფერს. ჩვენ არასდროს უნდა დავეჭვდეთ მასში. კენდრიკი უმაღლესი დონის, საოცარი არტისტია. მას წარმოუდგენლად წარმატებული წელი ჰქონდა და უამრავი ადამიანი გააერთიანა. ეს უნდა აღინიშნოს. ეს არის კულტურა. ის ამას იმსახურებს. ერთი სული მაქვს, როდის მოვა ეს დღე. კენდრიკ, მადლობა.“
რიანამ სუპერ ბოულის შოუ 2023 წელს გახსნა, სადაც გაამხილა, რომ A$AP Rocky-სგან მეორე შვილს ელოდა. მის გამოსვლას თვალყურს 121 მილიონი მაყურებელი ადევნებდა, რაც იმ დროისთვის სუპერ ბოულის რეკორდი იყო, თუმცა წელს Usher-ის გამოსვლამ რიანას რეკორდი 123 მილიონი მაყურებლით მოხსნა.
რიანა შესაძლოა კენდრიკ ლამარს სუპერ ბოულის შოუზე სიმღერა Loyalty-ის დროს შეუერთდეს. ეს სიმღერა 2017 წლის ალბომ Damn-ში შედის. მათი დუეტი ბილბორდ 100-ში მე-14 ადგილზე გავიდა. 2018 წელს კი საუკეთესო რეპ/ვოკალური შესრულებისთვის გრემის ჯილდო მოიპოვა.
