Doja Cat – ტვიტერზე ერთი სიტყვით ახალი ეპოქის საწყისს აანონსებს. მომღერალმა გულშემატკივრების გასახარად X-ზე ყოველგვარი დამატებითი კონტექსტის გარეშე, მხოლოდ ერთი სიტყვა – „ალბომი“ დაწერა. სხვა განმარტებები ამ სტატუსზე მომღერალს არ გაუკეთებია, თუმცა მისი გულშემატკივრები ამ ამბავს აღფრთოვანებით შეხვდნენ.
album
— DOJA CAT (@DojaCat) October 25, 2024
ახალი ტვიტი სოციალურ ქსელში ვირუსულად გავრცელდა და მას უკვე 100,000-ზე მეტი მოწონება აქვს. მომღერალმა ბოლო თვეებში მუსიკალური აქტივობა შეამცირა, მაისში კი მისი ალბომის დელუქს ვერსია Scarlet 2 CLAUDE გამოვიდა.
Doja Cat-ის ბოლო 2021 წლის ჰიტ-ალბომ Planet Her-ის შემდეგ, 2023 წლის სექტემბერში გამოვიდა და ბილბორდ 200-ში მეოთხე ადგილი დაიკავა, Bop Rap Albums ჩარტში კი მეორე ადგილზე გავიდა.
„Scarlet, მარტივად რომ ვთქვათ, განრისხებული პროექტია. ვფიქრობ, ამ ალბომის მთავარი მიზანი ზღვარგადასული სიბრაზის დემონსტრირება იყო, თუ როგორ ვუმკლავდებით ამ მომენტში საკუთარ თავს და პარალელურად ვიცავთ ჩვენს სიყვარულს. ეს ჩვენი ვალდებულებაა. ეს არის „რატომ უნდა!“-ს მომენტი, როცა ვცდილობთ დავიცვათ თავი და ვუთხრათ ჩვენივე მეს: მე აქ ვარ მხოლოდ ჩემთვის და არა სხვისი სიამოვნებისთვის”.
შესაძლოა Doja Cat-მა არტისტ LISA-სთან ითანამშრომლოს. სამხრეთკორეული K-pop ჯგუფ Blackpink-ის წევრმა (LISA) იმედი გამოთქვა, რომ სიმღერა Paint the Town Red-ის რემიქსული ვერსიის შემდეგ Doja Cat-თან დუეტის საშუელება ექნება:
„Doja Cat ძალიან მიყვარს, ჩემი შემდეგი მიზანი სწორედ მასთან დუეტის ჩაწერაა.” – განაცხადა LISA-მ მუსიკოსებთან თანამშრომლობაზე.
გრემის ჯილდოს მფლობელმა არტისტმა Doja Cat-მა გასულ თვეს ნიუ-იორკის Global Citizen-ის ფესტივალში მიიღო მონაწილეობა, სადაც გულშემატკივრებს მოუწოდა, მთელ მსოფლიოში უსამართლობის წინააღმდეგ ხმა აემაღლებინათ.
„ამჟამად მილიონობით კაცი, ქალი და ბავშვი იტანჯება ღაზაში, უკრაინაში, სუდანში, კონგოში და მთელ მსოფლიოში. ასეთ დროს მნიშვნელოვანია გვახსოვდეს, რომ ჩვენ გვაქვს ცვლილების ძალა, ჩვენ ვართ სიყვარული და იმედი მათთვის, ვისაც ეს ყველაზე მეტად სჭირდება.” – თქვა Doja Cat-მა გამოსვლის დროს.
