სუპერვარსკვლავმა 29 ოქტომბერს ახალი სინგლის, Disease-ის მუსიკალური ვიდეო გამოაქვეყნა.
„ბევრს ვფიქრობ იმაზე, თუ როგორი ურთიერთობა მაქვს საკუთარ შინაგან დემონებთან. ჩემთვის ადვილი არასდროს ყოფილა განცდა იმისა, რომ ქაოსსა და არეულობაში ვეფლობი. ეს კლაუსტროფობიის შეგრძნებას ჰგავს. Disease – შიშების წინაშე დგომაა, საკუთარი თავისა და შინაგანი სიბნელის მიღმა იმის გაცნობიერება, რომ ზოგჯერ შეიძლება ბრძოლა ვერ მოიგო, ვერ დააღწიო თავი ამ სიძნელეებს. შეიძლება ეცადო, გაიქცე, მაგრამ ეს ყველაფერი შენი ნაწილია, საბოლოოდ კი, სადაც არ უნდა გაიქცე, შენ თავს ვერ დაემალები, და ისევ, თუნდაც მხოლოდ ერთი წამით, ამ ყველაფრის პირისპირ აღმოჩნდები.” – წერს ინსტაგრამზე ლედი გაგა.
„ცეკვა, ფორმირება, გაქცევა, განწმენდა – საბოლოოდ ამ ყველაფრის ინტეგრაცია მშვენიერი რამ არის. ეს ჩემი ნაწილია და მე მისი მართვა ვისწავლე. ჩემი სიმფონიის დირიჟორი თავად ვარ. ამ სპექტაკლში ყველა მსახიობი მე ვარ, რაც ჩემ ხელოვნებას და ცხოვრებას ასახავს. რაც არ უნდა საშინელი კითხვა იყოს, ყველა პასუხი ჩემშია. ესაა არსებითი, განუყოფელი ნაწილი იმისა, რამაც ჩემი თავი მაპოვნინა. როცა წინსვლას ვაგრძელებ, ამით საკუთარ თავს ვხსნი. მე ძლიერი ვარ და მზად ვარ გამოწვევებისთვის, გილოცავთ ჰელოუინს.” – ამბობს პოპვარსკვლავი.
13-გზის გრემის გამარჯვებული ლედი გაგას სინგლი Disease მისი მომავალი, რიგით მეშვიდე ალბომის პირველი სიმღერაა. სექტემბრის ბოლოს პოპ-ვარსკვლავმა ალბომი Harlequin გამოუშვა, რომელიც ფილმ Joker: Folie à Deux-ს გამოშვებას დაემთხვა.
გარდა Disease-ის მუსიკალური ვიდეო-კლიპისა, ამავე დღეს ლედი გაგამ ბრუნო მარსთან შესრულებული სიმღერის, Die With a Smile (Live in Las Vegas)-ის ცოცხალი ჩანაწერის ვერსიაც გამოაქვეყნა. ბრუნო მარსისა და ლედი გაგას ერთობლივად შექმნილი სიმღერა უკვე მერვე კვირაა, რაც ბილბორდ გლობალ 200-სა და Global Excl. U.S. ჩარტებში მოწინავე ადგილზეა.
იხილეთ Disease-ის მუსიკალური-ვიდეო კლიპი:
