ამერიკელმა მუსიკოსმა ლეონ თომასმა ჩიკაგოში მუსიკალური წარმოდგენა გამართა. მუსიკოსის ინსტაგრამზე გამოქვეყნებულ ვიდეოში ჩანს, რომ გამოსვლის დროს არტისტის ფონზე ვიზუალური გაფორმების სახით სერგო ფარაჯანოვის ფილმის, „ბროწეულის ფერის” კადრები გადის. ვიდეოში ნაჩვენებ ფრაგმენტში ქართველი მსახიობის, სოფიკო ჭიაურელის გამოსახულებას ვხედავთ.
31 წლის ლეონ თომასი R&B-ის შემსრულებელი ცნობილი არტისტია. გასულ წელს, ლეონ თომასმა თავისი პირველი გრემი მოიგო. მას ჯილდო გადაეცა საუკეთესო R&B სიმღერის ნომინაციაში. არტისტმა მუსიკალური ინდუსტრიის ყველაზე პრესტიჟული ჯილდო, SZA-სა და Snooze-ის ტრეკში მონაწილეობისათვის მოიპოვა.
ნახეთ ვიდეო, რომელშიც ლეონ თომასი სოფიკო ჭიაურელის გამოსახულების ფონზე მღერის:
