დუა ლიპა  „როიალ ალბერტ ჰოლში“ ჩატარებულ კონცერტს ალბომად გამოსცემს

მიუხედავად იმისა, რომ დუა ლიპამ ლონდონის „როიალ ალბერტ ჰოლში“ მხოლოდ ერთი კონცერტი ჩაატარა, მომღერალს სურს ის ალბომის სახით გამოსცეს.

19 ნოემბერს პოპ ვარსკვლავმა პირველი ახალი საკონცერტო ალბომის,  Dua Lipa Live From The Royal Albert Hall-ის გამოშვების თარიღი დააანონსა. ალბომი  17 ოქტომბერს ლეგენდარულ სივრცეში კონცერტის დროს ჩაიწერა, რომელიც არტისტის თქმით 6 დეკემბერს გამოვა. დუა ლიპას უახლეს ალბომში მისი ყველაზე პოპულარული ჰიტები იქნება გაერთიანებული.

პოპ-მომღერალმა აღნიშნა, რომ მისი ლეგენდარულ დარბაზში გამოსვლა არცერთ სხვა შოუს არ ჰგავდა და სწორედ ამიტომ გადაწყვიტა ამ კონცერტის ჩანაწერის სახით გამოცემა.

„დიდი ხნის განმავლობაში მქონდა იდეა, რომ ჩემი მუსიკა ორკესტრთან ერთად წარმომეჩინა. როდესაც ალბომ Radical Optimism-ზე ვმუშაობდი, მუდმივად ვფიქრობდი მის ცოცხლად შესრულებაზე, თუ როგორ გარდაიქმნებოდა ეს სიმღერები სცენაზე. როდესაც „როიალ ალბერტ ჰოლში” კონცერტი დაიგეგმა, ვიფიქრე, რომ ეს იდეალური შესაძლებლობა იქნებოდა. ეს გამოცდილება სრულიად შთამბეჭდავი იყო.” – აღნიშნა დუა ლიპამ.

ლაივ ალბომი დუა ლიპას CBS-ის საკონცერტო სპეციალურ გადაცემამდე An Evening With Dua Lipa  რამდენიმე დღით ადრე გამოვა. გადაცემა CBS-სა და Paramount+-ზე  15 დეკემბერს გავა ეთერში.

ნახეთ პოპმომღერალის ახალი პროექტის –  Dua Lipa Live From the Royal Albert Hall-ის სიმღერების სია:

1. „Overture (Live from the Royal Albert Hall)“
2. „End Of An Era (Live from the Royal Albert Hall)“
3. „Houdini (Live from the Royal Albert Hall)“
4. „Training Season (Live from the Royal Albert Hall)“
5. „These Walls (Live from the Royal Albert Hall)“
6. „Whatcha Doing (Live from the Royal Albert Hall)“
7. „French Exit (Live from the Royal Albert Hall)“
8. „Illusion (Live from the Royal Albert Hall)“
9. „Falling Forever (Live from the Royal Albert Hall)“
10. „Anything For Love (Live from the Royal Albert Hall)“
11. „Maria (Live from the Royal Albert Hall)“
12. „Happy For You (Live from the Royal Albert Hall)“
13. „Love Again (Live from the Royal Albert Hall)“
14. „Pretty Please (Live from the Royal Albert Hall)“
15. „Levitating (Live from the Royal Albert Hall)“
16. „Sunshine (Live from the Royal Albert Hall)“
17. „Cold Heart (PNAU Remix) (Live from the Royal Albert Hall)“
18. „Be The One (Live from the Royal Albert Hall)“
19. „Dance The Night (Live from the Royal Albert Hall)“
20. „Don’t Start Now (Live from the Royal Albert Hall)“