ქვეყნის ყველაზე მასშტაბური მუსიკალური ღონისძიებების სერია Starring Georgia გრძელდება. რამდენიმე წუთის წინ კამპანიის სოციალურ გვერდებზე ახალი ვიდეო გამოჩნდა. მოკლე ვიდეო პარკ „ციცინათელას” მბრუნავი ეშმაკის ბორბლის ფონზე კონკრეტულ თარიღს აანონსებს: 2025 წლის 30 მაისი. „შევხვდებით ციცინათელაში,” – ვკითხულობთ პოსტის აღწერაში.
Starring Georgia 2023 წელს საქართველოს პრემიერ-მინისტრის ინიციატივითა და Black Sea Arena-ს ორგანიზებით დაარსდა. კამპანიის ფარგლებში საქართველომ უკვე უმასპინძლა ისეთ მსოფლიო დონის ვარსკვლავებს, როგორებიც არიან Imagine Dragons, ბრუნო მარსი, Scorpions, Jungle, The Killers და სხვ.
ახლა კი, როგორც ვიდეოდან ირკვევა, Starring Georgia 30 მაისს ახალი სეზონითა და ახალი ლოკაციით ბრუნდება. ამ ეტაპზე უცნობია სხვა დეტალები, რომლებსაც, კამპანიის წარმომადგენლების თქმით, ქართველი მსმენელი უახლოეს მომავალში ისევ სოციალური მედიის მეშვეობით გაიგებს.
