22 ნოემბერს კენდრიკ ლამარმა ახალი სინგლი, GNX გამოუშვა და ნამუშევარი ყოველგვარი ანონსის გარეშე ჩაეშვა სტრიმინგ-სერვისებზე.
მაგრამ, ამით ყველაფერი არ დასრულებულა. რეპერმა ამის შემდეგ 12-ტრეკიანი ალბომი GNX პლატფორმა pgLang-ის მეშვეობით გაავრცელა.
ახალი ალბომის ფარგლებში კენდრიკ ლამარმა SZA-სთან ითანამშრომლა. Luther მშვიდი ჟღერადობის ტრეკია, ხოლო სინგლში სახელწოდებით Dot გამოყენებულია Debbie Deb-ის სიმღერის, When I Hear Music-ის სემპლი.
ალბომის გავრცელებამდე აქტიურად ვრცელდებოდა ხმები, რომ კენდრიკი დრეიკთან ხმაურიანი დაპირისპირების შემდეგ ახალ ალბომზე მუშაობდა. GNX არის ლამარის პირველი ალბომი მას შემდეგ, რაც არტისტმა 2022 წელს Mr. Morale & the Big Steppers გამოუშვა. ნამუშევარმა პირველ კვირაში Billboard 200-ის წამყვანი პოზიცია დაიკავა.
ლამარი 2025 წელს დიდი სიახლეებით იწყებს: გარდა ალბომის გამოცემისა, ის სუპერ ბოულის მუსიკალური შოუს ჰედლაინერი იქნება.
ალბომის გამოშვებამდე, კენდრიკ ლამარმა უკვე მოიპოვა გრემის შვიდი ნომინაცია, რომელთაგან ხუთი მისი ჰიტის, Not Like Us-ისთვის მიიღო.
მოუსმინეთ კენდრიკ ლამარის ახალ ალბომს GNX.
