ფარელ უილიამსი იუნესკოს კეთილი ნების ელჩად დასახელდა

საპატიო წოდება მუსიკოსს 17 დეკემბერს პარიზში მიენიჭა.
ფარელ უილიამსი
Stephane De Sakutin/AFP via Getty Images

ფარელ უილიამსი 13 გრემისა და მრავალი სხვა ჯილდოს მფლობელია. თუმცა 17 დეკემბერს პარიზში მუსიკოსსა და პროდიუსერს იშვიათი პატივი ხვდა წილად – ის იუნესკოს კეთილი ნების ელჩად დასახელდა ხელოვნების, განათლებისა და მეწარმეობის დარგში.

Associated Press-ის ინფორმაციით, აღნიშნული ტიტულის ფარგლებში უილიამსის როლი მოიცავს სხვადასხვა ინიციატივის პოპულარიზებას, მათ შორის ადგილობრივი კულტურების დაცვას, ქალების განათლებისა და ჯანდაცვის წინ წამოწევასა და ცნობიერების გაზრდას გენოციდის პრევენციისა და კულტურული მემკვიდრეობის დაცვის შესახებ. 

„ვერც ერთ ოცნებაში ვერ წარმოვიდგენდი, რომ ასეთი შესაძლებლობა მომეცემოდა,” – აღნიშნა უილიამსმა მადლობის სიტყვაში. მისი თქმით, ამ ტიტულით ის იმედოვნებს, რომ „ერთიანობის შეგრძნების გაღრმავებას” შეძლებს. 

გავრცელებულ განცხადებაში იუნესკოს გენერალურმა დირექტორმა ოდრი აზულემ უილიამსი მოიხსენია, როგორც „შემდგარი არტისტი და ამავდროულად ჰუმანისტი, რომელიც მუშაობს, რათა კულტურა მშვიდობასა და ადამიანების ერთიანობის სამსახურში დააყენოს. მას სჯერა შემოქმედებისა და განათლების ძალის უკეთესი მომავლის მშენებლობაში. მისი ღვაწლი შეესაბამება იუნესკოს მანდატს და მოხარული ვარ, რომ ის იუნესკოს ოჯახს უერთდება, როგორც კეთილი ნების ელჩი, რათა მხარი დაუჭიროს ჩვენს ქმედებებს.”

იუნესკოს განცხადებით, უილიამსი იქნება ერთგვარი „მენტორი და მოდელი ახალგაზრდა შემოქმედებისთვის, განსაკუთრებით აფრიკაში, სადაც იუნესკო მხარს უჭერს კულტურული ინდუსტრიების განვითარებას.” ის შეუერთდება სხვა კეთილი ნების ელჩებს, მათ შორის არიან K-პოპ ჯგუფი Seventeen, ჯაზის ლეგენდა ჰერბი ჰენკოკი და სხვები.

ტიტულის მინიჭების შემდეგ უილიამსი სიტყვით გამოვიდა 800 მოსწავლისა და ხელოვნების სტუდენტების წინაშე იუნესკოს სათავო ოფისში, სადაც მისი ლეგოთი შექმნილი ბიოგრაფიული ფილმი Piece by Piece იქნა ნაჩვენები. „სიტყვები ვერ აღწერს, თუ რას ვგრძნობ ახლა, როცა იუნესკოს კეთილი ნების ელჩად ამირჩიეს,” – თქვა მუსიკოსმა და ლუი ვიტონის კაცის ხაზის დიზაინერმა, რომელმაც სწორედ იუნესკოს სათავო ოფისი აირჩია საკულტო ფრანგული მოდის სახლის ივნისის ჩვენების გასამართად.

Share
Tweet
Share
Share
Share

წინა სტატია

დეივ გროლი ქალიშვილ ვიოლეტ გროლთან ერთად გამოდის გლასტონბერის ფესტივალის მე-3 დღე, 2023 წლის 23 ივნისი, ინგლისი. ჰარი დურანტი

დეივ გროლის ქალიშვილი ვაიოლეტ გროლი სადებიუტო ალბომს ამზადებს

შემდეგი სტატია

TKT.GE & TBC: „ყველა ბილეთი გაყიდულია თეატრებში, კონსერვატორიასა და ოპერაში”

შეიძლება დაგაინტერესოთ

გარდაიცვალა დადა დადიანი

დადა დადიანი, ქართული ალტერნატიული მუსიკის ერთ-ერთი პიონერი, 59 წლის ასაკში გარდაიცვალა.  ქართულ მუსიკალურ სცენაზე დადა დადიანი 80-იან წლებში…
მეტი
ჯეიმს მაკარტნი და ზაკ სტარკი, 2016 წლის 5 სექტემბერი, ლონდონი. ფოტო: დევიდ ბენეტი Getty Images

ჯონ ლენონის, პოლ მაკარტნის და რინგო სტარის ვაჟები ერთობლივ სიმღერას გამოსცემენ

ეს პირველი შემთხვევაა, როდესაც შონ ონო ლენონმა, ჯეიმს მაკარტნიმ და ზაკ სტარკიმ საავტორო მუსიკაზე ერთად იმუშავეს
მეტი

ნიკ კეივმა მორისის სიმღერაში ანტივოუკ ტექსტის შესრულებაზე უარი თქვა

„ვცდილობ, პოლიტიკა, კულტურული თუ სხვაგვარი, ჩემი მუსიკისგან გავმიჯნო,” - დაწერა კეივმა საკუთარ ვებგვერდზე.
მეტი

Ultramarine – Bedford Falls ახალ სიმღერას აზიარებს

სიმღერამ გამოსვლისთანავე მოახერხა მსმენელთან ემოციური კავშირის დამყარება და ახალი საზაფხულო პლეილისტის განუყოფელ ნაწილად იქცა.
მეტი