ემინემისა და 50 Cent-ის ერთობლივი ალბომის შექმნა უკვე ათწლეულზე მეტია, რაც Shady-სა და G-Unit-ის ფანების დიდი სურვილია. მსმენელებს აქვთ იმედი, რომ ის ერთ დღეს რეალურად განხორციელდება. 24 დეკემბერს ემინემი და პოლ როზენბერგი DJ Whoo Kidd-ის გადაცემის სტუმრები იყვნენ. 30-წუთიანი ინტერვიუს ფარგლებში ემინემმა იმ პროექტის პერსპექტივებზეც ისაუბრა, რომელსაც ფანები, მისივე სიტყვებით, უკვე დიდი ხანია „მოთმინებით ელიან”.
„ეს შესანიშნავი იქნებოდა,” – აღნიშნა ემინემმა. „ჩვენ უნდა შევწყვიტოთ სისულელეებზე ფიქრი და ეს უბრალოდ გავაკეთოთ. მე არ ვიტყოდი, რომ ეს შეუძლებელია.”
დეკემბრის დასაწყისში ემინემმა და 50 Cent-მა Snoop Dogg-ისა და Dr. Dre-ს ერთობლივი ალბომის, Missionary-ის ფარგლებში ითანამშრომლეს. რეპერები ალბომის ერთ-ერთ გამორჩეულ ტრეკზე – Gunz N Smoke-ზე მუშაობდნენ.
DJ Whoo Kidd-თან ინტერვიუს ერთ-ერთ ნაწილში ემინემი ასევე შეეხო თავის
2004 წლის ალბომს, სახელწოდებით Encore. არტისტის თქმით, ალბომის ტრეკები ინტერნეტში რომ არ გაეჟონა, მას შესაძლოა იგივე გავლენა ჰქონოდა, რაც The Eminem Show-ს ჰქონდა.
Encore 2004 წლის ნოემბერში გამოვიდა და Billboard 200-ის სათავეში მოექცა, პირველივე კვირაში ემინემმა ალბომის 710,000 ასლი გაყიდა.
იხილეთ ემინემის სრული ინტერვიუ DJ Whoo Kidd-თან:
