Last Christmas მეორე სადღესასწაულო სიმღერაა, რომელიც „ბილბორდის” ტიკტოკ ჩარტის ლიდერი გახდა ჩარტის არსებობის ერთწლიან ისტორიაში . 2025 წლის 4 იანვრით დათარიღებულ ჩარტში Wham!-ის ჰიტმა მეშვიდედან პირველ ადგილზე გადაინაცვლა.
„ბილბორდის” ტიკტოკ ჩარტი აშშ-ის ბაზარზე ტიკტოკის ყველაზე პოპულარული სიმღერების ყოველკვირეული რეიტინგია. Last Christmas ჩარტის სათავეში პირველად მოექცა – მას შემდეგ, რაც გასული წლის 6 იანვრის მონაცემებით ის მეორე ადგილს იკავებდა მერაია კერის All I Want for Christmas Is You-ს შემდეგ, რომელიც ამჟამინდელ სიაში მესამე ადგილზეა.
@wham Check out the brand new Last Christmas Official Animated lyric video on YouTube now 🤩 #WHAM #AndrewRidgeley #GeorgeMichael #LastChristmas #Christmas2024 ♬ Last Christmas (Pudding Mix) – Wham!
რაც შეეხება Billboard Hot 100-ს, აქ პირიქით, Last Christmas მესამე ადგილს იკავებს, მაშინ, როცა All I Want for Christmas Is You უკვე 18 კვირაა ლიდერობს.
ტიკტოკ ჩარტის ლიდერ პოზიციებზე არიან ასევე ხოსე ფელისიანოს Feliz Navidad მერვე ადგილზე და ბრენდა ლის Rockin’ Around the Christmas Tree, რომელმაც მე-18-დან მე-9 ადგილზე გადმოინაცვლა. ჩარტის ტოპ ათეულში შევიდა ასევე არასაშობაო სიმღერა, Naughty Boy-ს La La La, სემ სმითის მონაწილეობით.
ნახეთ „ბილბორდის” ტიკტოკ ჩარტი ბმულზე.
