მუსიკა ხელოვნების ის დარგია, რომელმაც ისტორიის განმავლობაში არაერთი რევოლუცია მოახდინა.
ქვეყანაში მიმდინარე საპროტესტო აქციების ფონზე, მუსიკოსები სახალხო პროტესტს შეუერთდნენ და ღიად დააფიქსირეს საკუთარი აზრი საქართველოში ამჟამინდელ პოლიტიკურ თუ სოციალურ მდგომარეობაზე.
ზოგიერთმა არტისტმა ეს პროტესტი მუსიკალური მანიფესტის გარდა სიმღერით გამოხატა, რომელიც მიმდინარე ამბებს ეხმიანება.
„ბილბორდ საქართველო“ ქვეყანაში მიმდინარე აქციების ფონზე გამოქვეყნებულ იმ სიმღერებს გთავაზობთ, რომლებიც სრულად საპროტესტო პათოსითაა განმსჭვალული.
Kordz ერთ-ერთი იმ მუსიკოსთაგანია, ვინც ამ თემასთან დაკავშირებით სოციალურ ქსელში მუსიკალური პროტესტი გამოხატა და 4 დეკემბერს Youtube პლატფორმაზე დემონსტრანტების მიერ ნამღერი სიმღერის მიქს ვერსია, სახელწოდებით: AntiGeorgianDreamAnthem გამოაქვეყნა.
Kordz – AntiGeorgianDreamAnthem
საქართველოში მიმდინარე პროტესტს ახალი მუსიკალური ნამუშევრით Tamada გამოეხმაურა. სიმღერის სახელწოდებაა „ბრძოლას მე ვერ გადამაჩვევ”, რომელიც ინტერნეტში 8 დეკემბერს გამოქვეყნდა.
Tamada – „ბრძოლას მე ვერ გადამაჩვევ”
Qaji Todia Bedford Falls-ის წამყვანი ვოკალისტის დათო ჯიქიას სოლო პროექტია, რომელმაც ქვეყანაში მიმდინარე მოვლენები 11 დეკემბერს გამოქვეყნებული სიმღერით – შეგეცი/SHEGECI გააპროტესტა, სადაც მინიმალური პათეტიკა და სწორხაზოვანი ტექსტები მკაფიოდ ისმის.
Qaji Todia – შეგეცი/SHEGECI
მუსიკოსი თემურიკო დისამიძე საპროტესტო გზავნილს სიმღერით თავისუფალი/Tavisufali გადმოსცემს
Temuriko Diasamidze – თავისუფალი/Tavisufali
ამერიკაში მცხოვრები მუსიკოსი Sophie Villy მუსიკალურ გზავნილს სახელწოდებით MJERA/მჯერა აქვეყნებს და საკუთარ საპროტესტო სულისკვეთებას ამ სიმღერაში აქსოვს, რომელიც მუსიკალურ პლატფორმებზე 13 დეკემბერს გამოჩნდა.
Sophie Villy – MJERA / მჯერა
მიმდინარე პროტესტს ახალი მუსიკალური ნამუშევრით ეხმაურება Melqo სიმღერით „გამოიხედე”, რომელიც მუსიკოსმა 15 დეკემბერს წარადგინა.
Melqo – „გამოიხედე“
პიანისტმა ბექა გოჩიაშვილმა საქართველოს ეროვნული ჰიმნის „ჩემი ხატია სამშობლო” ელექტრონული ვერსია გამოაქვეყნა, რომელიც ამ საპროტესტო პათოსითაა გამსჭვალული.
ბექა გოჩიაშვილი – ჩემი ხატია სამშობლო
ჯგუფმა LOUDspeakers – საპროტესტო სულისკვეთებით განმსჭვალული სიმღერა სახელწოდებით „მაინც“ 19 დეკემბერს გამოაქვეყნა.
LOUDspeakers – „მაინც”
ქართველი არტისტების კოლექტივი ქვეყანაში მიმდინარე საპროტესტო მოძრაობას ახალი სიმღერით ეხმიანება. „სამშობლო ხალხს” – ასე ჰქვია მუსიკალურ ნამუშევარს, რომელიც ინტერნეტში 24 დეკემბერს გავრცელდა. სიმღერაზე მუშაობდნენ: ლექსო რატიანი, ზვიად რატიანი, ვანო ნონიაშვილი, თორნიკე ჯაფიაშვილი, გიორგი ტეცოშვილი, აკაკი ცეცხლაძე და გოჩა დანელია. კლიპის ავტორი შიო ხიდაშელია, ვიზუალურ ნამუშევარში გამოყენებული კალიგრაფია კი თეო ნაცვლიშვილს ეკუთვნის.
სამშობლო ხალხს!
ადამიანი∞სამყარო (დაჩი ხასაია) მსმენელს ახალ, რიგით მეხუთე ალბომს უზიარებს. პროექტი, სახელწოდებით „სად”, ორი წლის განმავლობაში იქმნებოდა და, როგორც ავტორი სოციალურ ქსელში წერს, ის „ეძღვნება თვითგამორკვევის მცდელობებსა და საქართველოს ევროპულ მომავალს.” ალბომი ყველა სტრიმინგ პლატფორმაზეა ხელმისაწვდომი.
ადამიანი∞სამყარო (დაჩი ხასაია) ალბომი სახელწოდებით „სად”
ალტისტმა ელენე გოგოძემ მსმენელს სადებიუტო ვოკალური ნაწარმოები 29 დეკემბერს წარუდგინა. „იოტა” ვოკალური ოქტეტია, რომლის შთაგონების წყაროც ქართული მითოლოგიის პერსონაჟები – ბატონები გახდნენ. მუსიკოსის თქმით, ნაწარმოები სწორედ 8 ბატონისთვის დაიწერა, თუმცა განსხვავებული მიზნით – ის საქართველოში ამჟამად განვითარებულ მოვლენებს ეხმაურება.
IOTA – by Elene Gogodze
ბოლო პერიოდში საპროტესტო სიმღერები ინტენსიურად გავრცელდა, რაც მასიურმა საპროტესტო ტალღამ და პოლიტიკურმა პროცესებმა გამოიწვია. საზოგადოებაში არსებულ პროტესტს ახალი ტრეკებით ჰიპ-ჰოპ არტისტების უდიდესი ნაწილი შეუერთდა. „ბილბორდ საქართველო“ ამ პერიოდში გამოქვეყნებულ სიმღერათა ჩამონათვალს გთავაზობთ.
Kirame – Voices of the Streets
Madmose – After Dark
Kontra – Numb
BXNNY – No Peace
MOSKA x KAMI x PINO – Freedom (თავისუფლება TOVLY და MVYKL-ს)
MurWell – აჯანყდი!
Xvale / ხვალე – თბილისი ტირისო
Cas – მე ვარ ხალხი (Official Video)
სათამაშო – სინათლის ძალა (Official Music Video)
VAKAWI – FREEDOM
Amai 808 – ბატონო მილიციელო
IV დასი (VACHE) სულო ქართულო (prod by vache)
აღსანიშნავია, რომ ქართველმა მუსიკოსებმა 6 დეკემბერს პოლიტიკურ პროცესებთან დაკავშირებით ერთობლივი მანიფესტიც გაავრცელეს, რომელსაც უამრავი მუსიკოსი აწერს ხელს.
„ჩვენ, მუსიკოსები, პროტესტს ვუცხადებთ არალეგიტიმურ ხელისუფლებას და უარს ვამბობთ ნებისმიერ სახელმწიფო ღონისძიებაში მონაწილეობაზე.
ვგმობთ მათი მხრიდან დემონსტრანტების მიმართ არაპროპორციული და გადამეტებული ძალის გამოყენებას, მაროდიორობას, უკანონო დაჭერას, დაშინებასა და მრავალ სხვა დანაშაულებრივ მეთოდს, რომელსაც მმართველი პარტია ძალაუფლების შესანარჩუნებლად იყენებს,” – აღნიშნულია მანიფესტში.
