სელენა გომესი პრესის ფოტოგრაფებმა იანვარში ორი წითელი ხალიჩის ღონისძიებაზე დააფიქსირეს. ორივე პალმ სპრინგსში, კალიფორნიაში იმართებოდა. ვარსკვლავი პრესის წინაშე კონტრასტული გარეგნობებით წარდგა.
გომესი 2025 წლის პალმ სპრინგსის საერთაშორისო კინოფესტივალის დაჯილდოებას ესწრებოდა, სადაც მას „ემილია პერესის“ მსახიობებთან და ფილმის რეჟისორთან, ჟაკ ოდიართან ერთად გადასცეს ჯილდო – Vanguard Award.
გომესი პარასკევს საღამოს პალმ სპრინგსის კინოფესტივალის წითელ ხალიჩაზე Ralph Lauren-ის მონოქრომული კოსტიუმით გამოჩნდა, რომელიც სპეციალურად მისთვის შეიქმნა. მეორე დღეს, შაბათს, ის Variety-ის მიერ ორგანიზებულ მიღებას ესწრებოდა. ამ ღონისძიებაზე ვარსკვლავი Oscar de la Renta-ს მინი-კაბით გამოჩნდა. კაბა დიზაინერის 2025 წლის პრე-შემოდგომის კოლექციიდან იყო.
Variety-ის მიერ ორგანიზებული ბრანჩი გამოცემის 10 რჩეული რეჟისორისა და შემოქმედებითი გავლენის ჯილდოს პატივსაცემად გაიმართა. „ემილია პერესის“ რეჟისორი ჟაკ ოდიარი სწორედ შემოქმედებითი გავლენის ჯილდოს მფლობელი გახდა.
„თქვენი ფილმები მხოლოდ გასართობი არ არის, ისინი გამოცდილებაა. „ემილია პერესი” სიყვარულის, დანაკარგისა და ადამიანის შინაგანი მდგომარეობის ღრმა და შთამბეჭდავი კვლევაა. ნამდვილად დიდი პატივია, ამგვარად აღვნიშნოთ თქვენი საოცარი ნიჭი,” – მიმართა გომესმა ჟაკ ოდიარს.
გომესი, რომელიც პროდიუსერ ბენი ბლანკოზეა დანიშნული, ფოტოგრაფებთან პოზირების დროს თავის ალმასის ნიშნობის ბეჭედს ატარებდა.
იხილეთ სელენა გომესი წითელ ხალიჩებზე პალმ სპრინგსის კინოფესტივალიდან და Variety-ის ღონისძიებიდან:
