მას შემდეგ, რაც კიდევ ერთი წარმატებული წელი დახურა ალბომით Chromakopia, Tyler, the Creator-მა ახალი წელი დადებითი შეფასებებით დაიწყო – ამჯერად პროტოპანკის ვეტერან იგი პოპისგან.
77 წლის პოპმა ტაილერი საკუთარ რადიოშოუში შეაქო და „გუჩის” კამპანიის ფარგლებში A$AP Rocky-სთან ერთად მათი თანამშრომლობა გაიხსენა.
„მე ყოველთვის მომწონდა ტაილერი,” – თქვა პოპმა. „ერთხელ ერთი დღე ვითანამშრომლე მასთან და ის არის ადამიანი, რომელიც ყურადღების მისაპყრობად ყველაფერს აკეთებს. ის არის ჭეშმარიტი ტალანტი – ნამდვილი ძველი სკოლის ტალანტი თანამედროვე მიდგომებით.”
მუსიკოსების თანამშრომლობა 2020 წლის თებერვალში შედგა, როცა „გუჩიმ” ტაილერი, იგი პოპი და A$AP Rocky გაერთიანა მამაკაცის ხაზის კოლექციის წარსადგენად, რომელიც არქეტიპული როკვარსკვლავისადმი მიძღვნილ ერთგვარ ოდას წარმოადგენდა.
„მამაკაცის ელეგანტურობა შესაძლოა არაპროგნოზირებადი და უცნაური იყოს,” – ამბობდა „გუჩის” კრეატიული დირექტორი ალესანდრო მიკელე „ფორბსთან” საუბარში. „შედეგი არის ჯგუფური კამპანია სამი მამაკაცის მონაწილეობით, რომლებმაც, მჯერა, რომ ასევე კარგი დრო გაატარეს. შესანიშნავი იყო მათი ერთად ნახვა – ერთმანეთისგან განსხვავებულების, მაგრამ ამავდროულად ძალიან მსგავსის.”
იგი პოპის მიერ ტაილერის შეფასება, როგორც „ნამდვილი ძველი სკოლის ტალანტი თანამედროვე მიდგომებით”, დროულია ახალგაზრდა მუსიკოსის ბოლო და ერთ-ერთი ყველაზე დიდი წარმატების შემდეგ, რომელიც მას წლის ბოლოს გამოცემულმა ალბომმა Chromakopia-მ მოუტანა.
ტაილერის რიგით მერვე ალბომი მისი მიყოლებით მესამე ჩანაწერი გახდა, რომელმაც Billboard 200-ის ლიდერობა მოიპოვა. ალბომის გამხსნელი სიმღერა St. Chroma კი მუსიკოსის პირველი ჰიტი გახდა, რომელმაც „ბილბორდის” სტრიმინგ სიმღერების ჩარტის პირველი ადგილი დაიკავა.
