XXI საუკუნის უდიდესი პოპვარსკვლავების და 2024 წლის უდიდესი პოპვარსკვლავების სიები უკვე შედგენილია, თუმცა ახლა 2025 წლის მარათონის ჯერია.
ბილბორდის პოდკასტ Greatest Pop Stars-ის ეპიზოდში წამყვანებმა ისაუბრეს პროგნოზებზე, თუ ვინ გახდება 2025 წლის ყველაზე პოპულარულ პოპვარსკვლავი.
„Greatest Pop Stars-ის პოდკასტის ეპიზოდში, წელს იმ პოპვარსკვლავების პროგნოზირებით ვიწყებთ, რომლებიც, სავარაუდოდ, განსაზღვრავენ და დაიპყრობენ მომდევნო 12 თვეს.” – ამბობს წამყვანი ენდრიუ უნტერბერგერი და უერთდება ბილბორდის თანაწამყვანებს: ჯეისონ ლიპშუცს, მეგან მაჰარსა და კაილ დენისს. წამყვანები იმ სავარაუდო პოპვარსკვლავთა სიას ასახელებენ, რომლებიც წლის ბოლოს, დეკემბერში, ტოპ ათეულში შევლენ.
პოდკასტში ოთხი წამყვანი ოთხ საუკეთესო პოპვარსკვლავს ირჩევს და პოპვარსკვლავების სამყაროში ყველაზე აქტუალურ საკითხებს განიხილავენ. მაგალითად იქნება თუ არა კენდრიკ ლამარი 2024 წლის მსგავსად კვლავ პირველ პოზიციაზე, შეძლებს თუ არა ტეილორ სვიფტი ტოპ ხუთეულში მოხვედრას? ან რამდენად რეალურია, რომ BTS ისევ გაერთიანდება, რათა კვლავ მოხვდეს განსახილველთა სიაში?“
მოუსმინეთ ბილბორდის Greatest Pop Stars-ის პოდკასტს Apple Music-ზე ან Spotify-ზე და ჩაერთეთ პოპვარსკვლავებთან დაკავშირებულ ყოველკვირეულ განხილვებში!
ბილბორდის პოდკასტი Greatest Pop Stars მთელი წლის განმავლობაში ახალი ეპიზოდებით ბრუნდება, სადაც 2025 წლის პოპვარსკვლავების მარათონზე, მუსიკალურ სამყაროში მიმდინარე პროცესებზე, პოპვარსკვლავების ისტორიაში უდიდეს წარმატებებსა და ისტორიულ მოვლენებზე ისაუბრებენ.
