დონალდ ტრამპის ინაუგურაციაზე კერი ანდერვუდმა დაამტიკა, თუ რატომაა აღიარებული ქანთრის სუპერვარსკვლავად. ორწუთიანი ტექნიკური ხარვეზის შემდეგ 41 წლის ამერიკელმა მომღერალმა სიტუაციის კონტროლი საკუთარ თავზე აიღო და აშშ-ის 47-ე პრეზიდენტის ფიცის დადების შემდეგ აშშ-ის კაპიტოლიუმში America the Beautiful-ის ა კაპელა შეასრულა.
თუმცა მანამდე პროგრამაში აღნიშნული იყო, რომ ანდერვუდს შეიარაღებული ძალებისა და აშშ-ის საზღვაო აკადემიის გუნდებთან ერთად ფიცის დადების ცერემონიამდე უნდა ემღერა.
„როცა მუსიკა არ გაქვს ღონისძიებაზე, რომელსაც მთელი ერი უყურებს, ძალიან სტრესულია. კერი ანდერვუდმა კი ა კაპელა საოცარი სიმარტივითა და თავდაჯერებით იმღერა. ყოჩაღ!” – დაწერა ქანთრის ლეგენდა ლორეტა ლინმა სოციალურ ქსელში.
A soundtrack not working at an event the entire nation is watching must be stressful. @carrieunderwood handled it acapella with perfect ease and poise. Well done! As President Trump’s new administration begins, God bless America! pic.twitter.com/a2YsoJv0oG
— Loretta Lynn (@LorettaLynn) January 20, 2025
მომღერლის პროფესიონალიზმი ანდერვუდის ფანებმაც მარტივად შენიშნეს და მის შესრულებულ ა კაპელას გამოეხმაურნენ:
„წარმოიდგინეთ, ასეთი ნიჭიერი რომ ხარ, რომ როცა ტექნოლოგია ფუჭდება, შენ ამბობ: „კარგი, ცოცხლად ვიმღერებ,” გადიხარ და ა კაპელას მღერი ათასობით ადამიანის წინაშე. კერი ანდერვუდს არ სჭირდება ავტოტუნი, მგონი, ავტოტუნი სწავლობს მისგან,” – წერს ერთ-ერთი ფანი.
„ეს არის პროფესიონალიზმი. როცა სამხედრო ბენდის აუდიო გაფუჭდა, მან თავისი სიმღერა აუდიტორიასთან ერთად შეასრულა.”
„ვფიქრობ, მუსიკის არქონამ America the Beautiful-ის შესრულება უკეთესიც კი გახადა. ტუჩების აყოლაში მაინც ვერ დაადანაშაულებ.”
ღონისძიებამდე ანდერვუდმა განცხადება გაავრცელა, სადაც წერდა: „მიყვარს ჩვენი ქვეყანა და ჩემთვის პატივია, ვიმღერო ინაუგურაციაზე და ვიყო მცირე ნაწილი ამ ისტორიული ღონისძიებისა. ჩვენ ყველანი ერთად უნდა დავდგეთ ერთიანობის სულისკვეთებით და მომავლისკენ გავიხედოთ.”
ანდერვუდის გარდა, ტრამპის ინაუგურაციაზე წარდგნენ ლი გრინვუდი, the Village People, ნელი, სნუპ დოგი, რიკ როსი, Rascal Flatts, Kid Rock, გევინ დეგროუ, ჯეისონ ალდინი და პარკერ მაკკოლამი.
