Record Store Day-ს 2025 წლის ელჩად Post Malone დასახელდა

„მეგობრებო განაგრძეთ მხარდაჭერა, დავიცვათ ფირფიტები და გავაძლიეროთ ადგილობრივი მუსიკალური მაღაზიები“
Post Malone - 2024 წლის 6 ივნისს ნეშვილში. ფოტო: ბრეტ კარლსენი
Post Malone – 2024 წლის 6 ივნისს ნეშვილში. ფოტო: ბრეტ კარლსენი

Record Store Day ყოველწლიური ღონისძიებაა, რომელიც დამოუკიდებელი მუსიკალური მაღაზიების მხარდაჭერისთვის შეიქმნა. Record Store Day-ს 2025 წლის ელჩად Post Malone დასახელდა.

Record Store Day დაარსებიდან  მე-18 წლის იუბილეს 2025 წლის 12 აპრილს აღნიშნავს. ღონისძიება თითქმის ორი ათწლეულის განმავლობაში ფიზიკურ მედია ფორმატს, დამოუკიდებელ არტისტებს და მცირე ფირფიტების მაღაზიებს უჭერს მხარს. ახლა კი 2025 წლის  Record Store Day-ს ელჩად Post Malone აირჩიეს.

„რამხელა პატივია! ვერ ვიჯერებ, რომ Record Store Day-ს 2025 წლის ელჩად ამირჩიეს, ეს მართლა ძალიან მნიშვნელოვანია და მინდა, ჩემი წვლილი ამ ინიციატივაში მეც შევიტანო. როცა ტურნეში ვართ, ადგილობრივ მუსიკალურ მაღაზიებში შესვლას ყოველთვის ვახერხებ.  ფირფიტების მაღაზიის ენერგია ძალიან შთამაგონებელია, ეს ის ადგილია, სადაც თავს სახლში ვგრძნობ.“ –  განაცხადა Post Malone-მა  განცხადებაში.

„ეს მართლაც წარმოუდგენელი შეგრძნებაა, როცა ფირფიტების მაღაზიაში შედიხარ და ვინილების ყუთში იქექები.  უბრალოდ ეძებ იმას, რაც თვალში მოგხვდება. შესაძლოა, რამე კონკრეტულს ეძებ და სრულიად განსხვავებული რამ აღმოაჩინო. „მეგობრებო განაგრძეთ მხარდაჭერა,  დავიცვათ ფირფიტები და გავაძლიეროთ ადგილობრივი მუსიკალური მაღაზიები.“

Post Malone იმ ვარსკვლავების სიას შეუერთდა, რომელთაც ელჩის ტიტული 2009 წლიდან ენიჭებათ. წინა წლებში ელჩის ტიტული ისეთ არტისტებს მიენიჭათ,   როგორებიც არიან ჯეკ უაითი, Run the Jewels, ოზი ოზბორნი, ბრენდი კარლაილი, Metallica და სენტ ვინსენტი. 2024 წელს აშშ-ში ელჩად Paramore შეირჩა, დიდ ბრიტანეთში კი Record Store Day-ს ელჩად  კეიტ ბუში დასახელდა.

ტრადიციულად, Record Store Day-ს ელჩები სპეციალურად ამ დღისთვის შეზღუდული რაოდენობის ვინილის ტირაჟს გამოსცემენ. გამომდინარე იქიდან, რომ Post Malone-ის 2024 წლის ალბომ F-1 Trillion-ს დიდი წარმატება ხვდა წილად, შესაძლოა მუსიკოსის სწორედ ეს ალბომი შეირჩეს.

„მუსიკალურად Post Malone მრავალფეროვანი არტისტია, ზუსტად ისეთივე, როგორც ფირფიტების მაღაზიები და მათი მომხმარებლები არიან, ძალიან მახარებს მისი Record Store Day-ს ელჩად არჩევა.” – აღნიშნა განცხადებაში Record Store Day-ს თანადამფუძნებელმა, კერი კოლიტონმა.

Share
Tweet
Share
Share
Share

წინა სტატია

ბიორკის თქმით, დედამიწის მომავალთან დაკავშირებით ოპტიმისტურადაა განწყობილი

შემდეგი სტატია

კელი კლარკსონი - Weiss Eubanks/NBCUniversal via Getty Images

კელი კლარკსონი Depeche Mode-ის სიმღერა Just Can’t Get Enough-ს ასრულებს

შეიძლება დაგაინტერესოთ

ფინალური შოუს წინ ოზი ოსბორნი აცხადებს, რომ სიარული აღარ შეუძლია

მძიმე მეტალის ჟანრის პიონერმა ოზი ოსბორნმა განაცხადა, რომ სიარული აღარ შეუძლია. მუსიკოსმა ეს განცხადება მაშინ გაავრცელა, როცა თავისი…
მეტი

კანიე უესტის თქმით, ბიანკა სენსორი მას აუტისტური სპექტრის დიაგნოზის დასმაში დაეხმარა

რეპერი ამბობს, რომ მისთვის მანამდე დასმული ბიპოლარული აშლილობის დიაგნოზი არასწორი იყო.
მეტი

კანიე უესტის თქმით, ის ერთადერთია, ვისაც რეპის სამყაროში კენდრიკ ლამარის დამარცხება შეუძლია

უესტმა ამის შესახებ ჯასტინ ლაბოისთან, The Download-ის ინტერვიუს ახალ ეპიზოდში ისაუბრა.
მეტი

FKA Twigs-ის ალბომი Eusexua საცეკვაო ალბომების ჩარტის ლიდერია

ეს მომღერლის მეოთხე ალბომია, რომელიც ჩარტის პირველ ადგილს იკავებს. კარიერაში მეოთხედ, FKA Twigs „ბილბორდის” საცეკვაო ალბომების ჩარტის ლიდერია.…
მეტი