კელი კლარკსონმა კიდევ ერთხელ დაამტკიცა, რომ ნებისმიერი ჟანრის სიმღერას შესანიშნავად ასრულებს. 21 იანვარს მომღერალმა საკუთარ თოქ-შოუში Depeche Mode-ის 1980-იანი წლების ჰიტი Just Can’t Get Enough შეასრულა.
კელი კლარკსონმა სიმღერას დამახასიათებელი სამხრეთული სტილი შესძინა, სადაც ბექვოკალს მისი ჯგუფი My Band Y’all ასრულებს.
Depeche Mode-ის ჰიტ სიმღერა Just Can’t Get Enough 1981 წელს ჯგუფის სადებიუტო ალბომ Speak & Spell-ის გამოშვებამდე გამოვიდა. სიმღერამ დიდ ბრიტანეთში სინგლების ჩარტში მერვე ადგილი დაიკავა, ხოლო Billboard-ის Dance Club Play ჩარტში 26-ე ადგილზე მოხვდა.
Depeche Mode-მა 2023 წლის ალბომის, Memento Mori-ის, მხარდამჭერი მსოფლიო ტურნე Memento Mori World Tour აპრილში დაასრულა. ტურნე მსოფლიოს მასშტაბით 112 კონცერტს მოიცავდა. ეს ჯგუფის პირველი მსოფლიო ტურნე და ალბომი იყო ბენდის წევრისა და თანადამფუძნებელის, ენდი ფლეჩერის გარდაცვალების შემდეგ.
აღსანიშნავია, რომ კელი კლარქსონმა 2021 წელს Depeche Mode-ის 1990 წლის ჰიტ სიმღერა Enjoy the Silence-იც შეასრულა.
ნახეთ კელი კლარკსონის ქავერ ვერსია, სადაც ის Depeche Mode-ის სიმღერას Just Can’t Get Enough-ს ასრულებს.
