2025 წლის 2 თებერვალს, ლოს ანჯელესში, გრემის დაჯილდოების დასასრულს, Coldplay-ის ვოკალისტი კრის მარტინი და გიტარისტი გრეის ბაუერსი სცენაზე წარდგნენ. მათ პატივი მიაგეს იმ მუსიკოსებს, არტისტებს და მუსიკალური ინდუსტრიის წარმომადგენლებს, ვინც გასულ წელს გარდაიცვალა.
გრემის ცერემონიალის ეს ნაწილი One Direction-ის ყოფილი წევრისა და სოლო არტისტის, ლაიამ პეინის კადრებით გაიხსნა, რომელიც 2024 წლის ოქტომბერში გარდაიცვალა. ამის შემდეგ, კრის მარტინმა და გრეის ბაუერსმა სიმებიანი ორკესტრის თანხლებით, Coldplay-ის სიმღერა All My Love შეასრულეს.
ეკრანზე ლაიამ პეინის გარდა დიკი ბეტსი, The Oak Ridge Boys-ის წევრი ჯო ბონსოლი, ფეტმანი სკუპი, სანდრა კროჩი, უილი ჯენინგსი, კინკი ფრიდმანი, DJ Clark Kent, სემ მური, ტიტო ჯეკსონი, მარიან ფეითფული, Warner Chappell Nashville-ის პრეზიდენტი ბენ ვოუნი, ელა ჯენკინსი, უეინ ოსმონდი, J.D. საუთერი, ASCAP-ის მთავარი შემოქმედებითი ოფიცერი ჯონ ტიტა და სხვა შემოქმედებითი ინდუსტრიის წევრებიც გამოჩნდნენ.
კრის მარტინისა და გრეის ბაუერსის კოლაბორაცია ერთადერთი არ ყოფილა, ვინც 2025 წლის გრემის დაჯილდოებაზე პატივი მიაგეს გასულ წელს გარდაცვლილ არტისტებს. საღამოს განმავლობაში, არტისტებმა გაიხსენეს მუსიკის კორიფე ქუინსი ჯონსი. ჯაზ პიანისტმა ჰერბი ჰენკოკმა სიმღერა Killer Joe შეასრულა. მას აკომპანიმენტს უწევდა სინთია ერივო.
გრემის დაჯილდოების ცერემონიაზე ასევე სცენაზე წარდგნენ სიმღერების ავტორები ლეინი უილსონი და ჯეიკობ კოლიერი კომპოზიციით: Let the Good Times Roll, ხოლო სტივი უანდერმა და ჰერბი ჰენკოკმა We Are the World შეასრულეს.
ქუინსი ჯონსისადმი პატივის მისაგებად ჯანელ მონამ მაიკლ ჯექსონის სიმღერა Don’t Stop ‘Til You Get Enough შეასრულა.
