კანიე უესტი ტრაბახობს, რომ მან და მისმა მეუღლე ბიანკა სენსორიმ გრემისაც კი აჯობეს. ინსტაგრამის პოსტში, რომელიც ამჟამად უკვე წაშლილია, რეპერმა „გუგლის” სტატისტიკის ფოტო გააზიარა, რომელშიც ჩანდა, რომ გრემის დაჯილდოების შემდეგ ადამიანები საძიებო სისტემაში სენსორის უფრო ხშირად ეძებდნენ, ვიდრე თავად გრემის. „ჩვენ გრემის ვაჯობეთ. მეტი სიცხადისთვის: 2025 წლის 4 თებერვალი – ჩემი ცოლი „გუგლში” ყველაზე ხშირად მოძებნილი ადამიანია დედამიწაზე.”
გრემის წითელ ხალიჩაზე ბიანკა სენსორის ბეწვის ქურქის ქვეშ გამომწვევი, გამჭვირვალე კაბა ეცვა, რის გამოც გავრცელდა ჭორები, რომ წყვილი ცერემონიიდან გააძევეს. თუმცა Variety-ს თანახმად, გრემისთან დაახლოებულმა წყარომ ეს ინფორმაცია უარყო და თქვა, რომ უესტი და მისი ცოლი „წითელი ხალიჩის შემდეგ მანქანაში ჩასხდნენ და წავიდნენ.”
აღნიშნული ჭორის გავრცელებაში უესტი ჟურნალისტ დონ ლემონს ადანაშაულებდა და წაშლილ პოსტში წერდა: „ეს არის ის სულელი, რომელმაც მოიგონა ჭორი, თითქოს მე და ჩემი ცოლი გრემიდან გამოგვაგდეს.” რეპერს თავად „სი-ენ-ენის” ყოფილი წამყვანი გამოეხმაურა, რომელიც ამტკიცებს, რომ ჭორი მას არ გაუვრცელებია და პირიქით, სწორედ ის იყო, ვინც სიტუაცია გამოასწორა. „მე არ ამიგორებია თქვენი გრემიდან გამოგდების ჭორი,” – ამბობს ლემონი ინსტაგრამზე გავრცელებულ ვიდეოში. „მე რეალურად გამოვასწორე ის. თქვენი გუნდის წარმომადგენელმა მთხოვა, რომ სწორი ინფორმაცია გამევრცელებინა, რადგან ამ ჭორს უკვე ყველა გადასცემდა. ნეგრო, როგორც ჩანს, ეგ Make America Great Again ქუდი თავზე გიჭერს.”
კანიე უესტის სიმღერა Carnival, რომელსაც ის ტაი დოლა საინთან, Playboi Carti-სა და Rich the Kid-თან ერთად ასრულებს, წარდგენილი იყო საუკეთესო რეპსიმღერის კატეგორიაში, რომელიც კენდრიკ ლამარმა მოიგო სიმღერით Not Like Us.
