LISA-ს სადებიუტო სოლო ალბომის, Alter Ego-ს გამოშვებამდე თვეზე ნაკლები დარჩა, თუმცა, სუპერვარსკვლავს პროექტის შესახებ ინფორმაცია ამ დრომდე არ გამოუქვეყნებია.
სამხრეთ კორეული K-pop ჯგუფი BLACKPINK-ის წევრმა LISA-მ 4 თებერვალს, ინსტაგრამზე მომავალი კოლაბორაციის Born Again-ის ქავერ ფოტო გამოაქვეყნა. სიმღერა Doja Cat-თან და Raye-სთან თანამშრომლობით შეიქმნა. ფოტოზე სამივე ვარსკვლავი შავ, ელეგანტურ სამოსშია გამოწყობილი. სიმღერა 6 თებერვალს გამოვა.
LISA-ს სადებიუტო ალბომი Alter Ego ერთგვარად, 2024 წელს გამოცემული სამი სინგლის გაგრძელებაა, სრული ალბომის გამოსვლა კი 28 თებერვალს იგეგმება. სოლო პროექტის პირველი სინგლი Rockstar Billboard Hot 100-ში, 70-ე ადგილს იკავებდა, მეორე სინგლი New Woman არტისტმა Rosalía-სთან ერთად გამოსცა. LISA-ს მესამე სინგლის სახელწოდებაა Moonlit Floor (Kiss Me).
პრესრელიზის თანახმად, ალბომში წარმოჩენილი ხუთი ლოკაცია LISA-ს ხუთ სხვადასხვა პერსონაჟს ასახავს, „თითოეული მათგანი უნიკალურ პიროვნებას წარმოაჩენს. ისინი ვარსკვლავის ხუთ წერტილს წარმოადგენენ, რაც ამ კამპანიის ერთ-ერთ მთავარ ემბლემად იქცა.“ – აღნიშნულია ტექსტში.
Billboard Global Cover-ის ინტერვიუში LISA-მ ღიად ისაუბრა პერფექციონიზმზე, რომელიც მის მომავალ პროექტსაც ეხება. „ვცდილობ, ყველაფერი დავალაგო – სიმღერების სია, დეტალები, რა შეიძლება შევცვალო, ყველაფერი მზად არის. მგონია, რომ ხალხი გაოცებული დარჩება, როცა ნახავს, რამდენი რამის გაკეთება შემიძლია.“
ნახეთ Born Again-ის ქავერ ფოტო:
