10 თებერვალს სასამართლომ ნინო ქათამაძისა და მასთან ერთად კიდევ 8 პირის საქმე განიხილა, რომელთაც მოსამართლის სახლთან საპროტესტო აქციის გამართვისა და ბანერის გაშლისთვის, წარწერით „თავისუფლება მზიას”, 5-5 ათასი ლარის ოდენობის ჯარიმა დააკისრა.
ინტერნეტში ვრცელდება ნინო ქათამაძის ვიდეო, სადაც ის მოსამართლეს სიტყვით მიმართავს:
„რადგან ჩემი მუსიკის ხმა არ ისმის, აუცილებლად მინდა მოგახსენოთ, რომ ჩემი ხმა ეკუთვნის იმ 690 000 სოციალურად დაუცველ ადამიანს, ვინც სასადილოში ელოდება თავის რიგს. ჩემი ხმა ეკუთვნის აფხაზ მეგობრებს, რომლებსაც დაარქვეს ლტოლვილები და 30 წლის განმავლობაში წამებაში ამოვხადეთ ჩვენს დებსა და ძმებს სული. და ბოლოს, ამ ტკივილის შემდეგ, ვიცით როგორ დამთავრდა – ადამიანმა დაიწვა თავი. ჩემი ხმა ეკუთვნის ემიგრანტებს. ჩემი ხმა ეკუთვნით იმ დედებს, რომლებსაც უკანონოდ ჰყავთ დაჭერილი შვილები. ყველა უსამართლო, ტკივილიან ამბავს ეკუთვნის ჩემი ხმა.
ყველა იმ მომენტის გათვალისწინებით, რომ მზიას, რომელიც იმ დღის გათვალისწინებით 14 დღე შიმშილობდა, მას სჭირდებოდა ჩვენი ხმა და ჩვენ ეს ხმა მას იქ გავაგონეთ და იქიდან გავაგონეთ სადაც ჩვენ გვეგულებოდა, რომ იქ უსამართლო მოსამართლე ცხოვრობდა, ასეთია ჩემი დამოკიდებულება.”
