ლუკა თოფურიამ და მიშო ურუშაძემ ერთობლივ ალბომზე იმუშავეს. Good Morning Neighbours – ასე ჰქვია დაანონსებულ ალბომს, რომლის პრეზენტაცია ამსტერდამში შედგება.
ლუკა თოფურია Billboard Georgia-ს ალბომის შესახებ ესაუბრა:
„მიშო ურუშაძე დაახლოებით 5 წლის წინ გავიცანი. ამის შემდეგ მასთან ერთად ტრეკი ჩავწერე. ერთად მუშაობა ჩვენთვის კომფორტული აღმოჩნდა და თავისთავად დაგვიგროვდა ბევრი ტრეკი. საბოლოოდ ჩავწერეთ ეს ალბომი, რომლის გამოცემაც 2025 წლის გაზაფხულზე იგეგმება.”
როგორც ლუკა თოფურია აღნიშნავს, ალბომი მუსიკალურად მრავალფეროვანია და აერთიანებს ისეთ ჟანრებს, როგორიცაა: ჯაზი, ფანკი, ფიუჟენი, ჰაუსი.
ლუკა თოფურია:
„მიშო ამსტერდამში ცხოვრობს. ალბომს ფროდაქშენი იქ გაუკეთა. დისტანციურად ისე ვიმუშავეთ, რომ შედეგით ძალიან კმაყოფილი ვარ და ამისათვის მიშოს დიდ მადლობას ვუხდი.”
როგორც ლუკა თოფურია Billboard Georgia-სთან ინტერვიუში ამბობს, მისი უახლოესი მუსიკალური გეგმები სწორედ ალბომის პრეზენტაციას უკავშირდება. ამის შემდეგ, შეერთებულ შტატებში გაემგზავრება და ნიუ-იორკში რამდენიმე კონცერტს გამართავს.
იხილეთ ვიდეო, რომელშიც ლუკა თოფურია დაანონსებული ალბომის შესახებ საუბრობს:
