როგორც აღმოჩნდა, ნოელ გალაგერი სულაც არ მოხიბლულა კენდრიკ ლამარის Super Bowl Halftime Show-თი, რომელმაც ყველა დროის რეკორდი მოხსნა.
„უნდა გამომერთო. ეს აბსოლუტური ნონსენსი იყო,” – თქვა Oasis-ის სოლისტმა TalkSPORT-თან სატელეფონო ჩართვისას. „საერთოდ არ მიყურებია, უბრალოდ გამოვრთე. პირველი 2 წუთის განმავლობაში 300 ადამიანი გადმოდიოდა მანქანიდან.”
ხოლო როცა გალაგერს მის საყვარელ Super Bowl Halftime Show-ზე ჰკითხეს, მუსიკოსმა უპასუხა, რომ მას საერთოდ არ უყურებს. „ამ სისულელეებს არ ვუყურებ. როგორც წესი, ის არტისტები გამოდიან, რომლებიც არ მომწონს. ასე რომ, არასდროს ვუყურებ, არ მაინტერესებს.”
ზოგადად, გალაგერს მუსიკისა და სპორტის გაერთიანების იდეა არ ხიბლავს. „ამერიკელებმა აიღეს ჩვენი სპორტის სადავეები, ჩვენი პრემიერ ლიგის. მალე ისინი ჩემპიონთა ლიგაზეც გაბატონდებიან, დამიჯერეთ, 20 წლის შემდეგ ეს ყველაფერი ნონსენსი გახდება.”
კენდრიკ ლამარის გამოსვლა Super Bowl Halftime Show-ზე ყველა დროის ყველაზე ყურებადი შოუ გახდა 133.5 მილიონი მაყურებლით, რაც თავად Super Bowl-ის მაყურებელთა რაოდენობასაც აჭარბებს (126 მილიონი).
ლამარმა ისტორია დაწერა იმითაც, რომ ის პირველი სოლო რეპერია, რომელიც შოუს ჰედლაინერი გახდა. მისი სპეციალური სტუმრები იყვნენ SZA, სემუელ ელ ჯექსონი და სერენა უილიამსი.
