კენდრიკ ლამარის Halftime Show ოფიციალურად გახდა Super Bowl-ის ყველა დროის ყველაზე ყურებადი შოუ.
„ჩვენ კიდევ ერთხელ მოვხსენით რეკორდი! ეს არის ყველა დროის ყველაზე ყურებადი Apple Music Halftime show 133.5 მილიონი მაყურებლით,” – დაწერეს კომპანიებმა Roc Nation, Apple Music და NFL.
ლამარის გამოსვლამ ეკრანებთან უფრო მეტი ადამიანი მიიზიდა, ვიდრე თავად მთავარმა მოვლენამ – საფეხბურთო მატჩმა, რომელსაც, Fox Sports-ის ინფორმაციით, საშუალოდ 126 მილიონი მაყურებელი ჰყავდა.
ლამარმა, რომელმაც კიდევ ერთი ისტორია დაწერა იმით, რომ იყო პირველი სოლო რეპერი, რომელიც Halftime Show-ს ჰედლაინერი გახდა, მოხსნა მაიკლ ჯექსონის რეკორდი, რომლის 1993 წლის ლეგენდარულ შოუს 133.4 ადამიანი უყურებდა. გასული წლის ჰედლაინერის, აშერის გამოსვლას კი 123.4 მილიონი მაყურებელი ჰყავდა.
ლამარმა სცენაზე არაერთი ვარსკვლავი მიიწვია: სემუელ ელ ჯექსონი, SZA, სერენა უილიამსი და Mustard. შოუზე მან ძირითადად Billboard 200-ის ლიდერი ალბომის, GNX-ის სიმღერები შეასრულა, მათ შორის Billboard Hot 100-ის ლიდერი ჰიტები: Squabble Up, Peekaboo, Luther (SZA-სთან ერთად) და TV Off. და, რა თქმა უნდა, მსოფლიოს ყველაზე დიდ სცენაზე შესრულდა ხუთი გრემის მფლობელი ჰიტი Not Like Us, რაც უკვე შამათი იყო კენდრიკისა და დრეიკის ეპიკურ ბრძოლაში.
