2 მარტს ჰამბურგში ქართველი არტისტების კონცერტი გაიმართება. როგორც ორგანიზატორების მიერ გავრცელებულ განცხადებაში ვკითხულობთ, ღონისძიება ერთგვარი სოლიდარობაა საქართველოში მიმდინარე პროცესების მიმართ. კონცერტი სამ აქტსა და საქართველოსა და გერმანიაში მცხოვრებ ქართველ მუსიკოსებს აერთიანებს. ჰამბურგის ერთ-ერთი ყველაზე ცნობილი კულტურული სივრცის, Ms Stubnitz-ის სცენაზე წარდგებიან: Mess_Montage (თორნიკე მარგველაშვილი); ლიზა კერესელიძე, ნინი ნუცუბიძე და სალომე ჯიჯეიშვილი; რეზო და გიორგი კიკნაძეები.
„სამი მუსიკალური აქტი საქართველოდან – თბილისში, ბერლინსა და ჰამბურგში მცხოვრები არტისტების შემადგენლობით – გაერთიანდება, რათა სოლიდარობა გამოუცხადონ ქართულ თავისუფლების მოძრაობას, რადგან მუსიკას აქვს უნარი, გახსნას შესაძლებლობები, იმედი და სამყაროები, რომლებიც განგვსაზღვრავს ადამიანებს, როგორც კულტურულ არსებებს.
საღამოს მიზანია თანხის შეგროვება, რომელიც გადაეცემა „მაუწყებელს” – მედიას, რომელიც აძლიერებს სოციალური უსამართლობის წინააღმდეგ ბრძოლას საქართველოში. ასევე გვსურს, მხარი დავუჭიროთ უსამართლობის შედეგად დაზარალებულ არტისტებს,” – ვკითხულობთ კონცერტის აღწერაში.
ბილეთების შეძენა შესაძლებელია ბმულზე.
