ფრანგმა რეპერმა, სახელწოდებით Gims სოციალურ ქსელ TikTok-ზე ვიდეო გამოაქვეყნა, სადაც ის განდაგანას ე.წ. ქავერს ასრულებს. არტისტმა სიმღერის ფრაგმენტი ამ ფორმით 3,8 მილიონ გამომწერს გაუზიარა.
„გამარჯვების სიმღერა” – წერია ვიდეოს აღწერაში. ამავე პოსტში Gims მსმენელს მიმართავს, რომ 21 თებერვალს დაელოდონ. ეს შესაძლოა, იმას ნიშნავდეს, რომ მალე ფრანგი რეპერი განდაგანაზე დაწერილი ტრეკის ოფიციალურ ვერსიასაც გამოუშვებს.
@gims_off Le chant de la victoire ✌🏾 En attendant BABY vendredi 21
♬ son original – Gims
განდაგანას მუსიკაზე შექმნილი ტრეკი ერთი წლის წინ პარიზის მოდის კვირეულზეც მოხვდა. ამერიკულმა ბრენდმა, სახელწოდებით Kidsuper-მა მუსიკა 2024 წლის შემოდგომა/ზამთრის კოლექციის ჩვენებაზე გამოიყენა. აღსანიშნავია, რომ სწორედ ამ შოუზე, მოდელის ამპლუაში ცნობილი ბრაზილიელი ფეხბურთელი რონალდინიო გამოვიდა.
რაც შეეხება Gims-ს, ის 38 წლის ფრანგი რეპერია, რომელმაც სოლო კარიერა 2013 წელს დაიწყო. მსოფლიო მასშტაბით მან პოპულარობა მოიპოვა ისეთი ჰიტებით, როგორებიც არის J’me tire, Bella და Zombie.
