17 წელი გავიდა მას შემდეგ, რაც Akon-მა სინგლი Right Now (Na Na Na) გამოსცა. სიმღერის ვიდეომ კი ახლახან YouTube-ზე მილიარდზე მეტი ნახვა დააგროვა.
ეს არტისტის კარიერაში მეოთხე ვიდეოა, რომელმაც ამ ნიშნულს მიაღწია. მანამდე იყო ჰიტები: Play Hard, Smack That და Lonely.
Right Now (Na Na Na)-ს მუსიკალურ ვიდეო-კლიპში Akon საიდუმლო აგენტის როლს ასრულებს, რომელიც წარსულ ურთიერთობას იხსენებს და ძველი გრძნობების ხელახლა გაცოცხლებას ცდილობს.
ჰიტი გამოშვებისთანავე Billboard-ის ჩარტებში ლიდერ პოზიციას იკავებდა: სიმღერა მე-3 ადგილზე გავიდა აშშ-ის Rhythmic-ის ჩარტში, Billboard Hot 100-ის მრავალ ჟანრობრივ ჩარტში მე-8 პოზიცია ეკავა, Pop Airplay ჩარტში მე-9 ადგილი, ხოლო Hot R&B/Hip-Hop Songs ჩარტში 73-ე ადგილზე პოზიციონირებდა.
Right Now (Na Na Na) Akon-ის მესამე სტუდიურ ალბომში, Freedom-შია შესული, რომელიც 2008 წლის დეკემბერში გამოვიდა. ალბომი Billboard 200-ის ჩარტში მე-7 პოზიციაზე იმყოფებოდა, ხოლო Top R&B/Hip-Hop Albums-ის ჩარტში მისი მაქსიმალური პოზიცია მესამე ადგილი იყო.
იხილეთ Akon-ის Right Now (Na Na Na)-ს მუსიკალური ვიდეო:
