ბენსონ ბუნმა ვერ შეძლო მარკ ცუკერბერგის ცოლის, ფილანთროპ პრისცილა ჩანის დაბადების დღის წვეულებაზე მუსიკალური ნომრის შესრულება, ამიტომ Meta-ს აღმასრულებელმა დირექტორმა გადაწყვიტა, ეს თავად გაეკეთებინა.
ვიდეოში, რომელიც ცუკერბერგმა 28 თებერვალს Instagram-ზე გამოაქვეყნა, ის სცენაზე მოულოდნელად ადის და აღმოჩნდება, რომ სმოკინგის ქვეშ ბენსონ ბუნის ცისფერი გრემის კოსტიუმი აცვია. ამის შემდეგ Facebook-ის დამფუძნებელი პერფორმანსს იწყებს. ცუკერბერგის სიურპრიზმა მისი იუბილარი ცოლი და სტუმრები გააკვირვა და გაამხიარულა.
„ცოლი ერთხელ ხდება 40 წლის! მადლობა ბენსონ ბუნს კოსტიუმისთვის და ახალი სინგლისთვის,“ – დააწერა ცუკერბერგმა ვიდეოს აღწერაში. კომენტარების ველში კი ბუნმა უპასუხა: „არ მჯერა, რასაც ვხედავ.“
ბუნის მბრწყინავი ცისფერი კოსტიუმი წლევანდელი გრემის ერთ-ერთი ყველაზე განხილვადი მომენტი აღმოჩნდა. ცერემონიის მსვლელობისას კამერებმა დააფიქსირეს, როგორ აწესრიგებდა მომღერალი კოსტიუმს თავისი ჰიტის, Beautiful Things-ის სცენაზე შესრულებისას. მოგვიანებით, Instagram-ის ისტორიაში ბუნმა განმარტა: „ბოდიშს გიხდით, ასე აგრესიულად რომ ვისწორებდი ჩემს კოსტიუმს… ის ზოგ ადგილებში ძალიან მოუხერხებელი იყო.“
ახლახან ბუნმა გამოუშვა სიმღერა Sorry I’m Here for Someone Else, რაც მისი პირველი ოფიციალური რელიზია 2024 წლის ალბომის, Fireworks & Rollerblades-ის შემდეგ.
ბუნისა და ცუკერბერგის მეგობრობა აქამდეც აშკარა იყო – ისინი სექტემბერში შეხვდნენ ერთმანეთს და მხიარული ორთაბრძოლაც გამართეს, რომელიც ვიდეოს სახით Meta-ს AI Ray-Ban სათვალეების დახმარებით აღბეჭდეს.
იხილეთ, როგორ წარდგა ცუკერბერგი ბენსონ ბუნის კოსტიუმით:
