ქალთა საერთაშორისო დღესთან დაკავშირებით Billboard იაპონიამ ფლეილისტი შეადგინა, რომელშიც სხვადასხვა ქვეყნის ქალი მუსიკოსების ნამუშევრებია გაერთიანებული. 33 სიმღერისგან შემდგარი სია „ბილბორდის” საერთაშორისო გამოცემებთან თანამშრომლობით შეიქმნა, რომელთა შორის Billboard საქართველოცაა.
„ქალთა საერთაშორისო დღესა და ქალთა თვეს აღვნიშნავთ ახალი ფლეილისტით, რომელიც Billboard იაპონიამ შეადგინა „ბილბორდის” პარტნიორებთან თანამშრომლობით: არაბეთი, არგენტინა, ბრაზილია, ჩინეთი, კოლუმბია, საფრანგეთი, საქართველო, იტალია, კორეა და ფილიპინები. აღმოაჩინეთ თითოეული ქვეყნის სამი ინოვატორი ქალი მუსიკოსი, რომლებიც გავლენას ახდენენ გლობალური მუსიკალური სცენის ფორმირებაზე,” – ვკითხულობთ Billboard იაპონიის ინსტაგრამ პოსტში.
საქართველოდან აღნიშნულ ფლეილისტში წარმოდგენილი ქალი მუსიკოსები არიან: Deena – სიმღერით Blush, ნინი ნუცუბიძე – სიმღერით PP1 და Creams – სიმღერით Die 4 You.
ნახეთ Billboard იაპონიის მიერ ქალთა საერთაშორისო დღისადმი მიძღვნილი ფლეილისტი:
