Doechii-მ მისი უკვე ცნობილი ჰიტი Anxiety ოფიციალურად გამოსცა. ინფორმაცია რეპერმა სინგლის გამოსვლამდე ნახევარი საათით ადრე პლატფორმა X-ზე დააანონსა, სადაც სიმღერის შავ-თეთრი ქავერი გამოაქვეყნა.
ბოლო რამდენიმე კვირაა, რაც Anxiety „ტიკტოკზე” განსაკუთრებით ტრენდული გახდა, თუმცა Doechii-მ ის პირველად ხუთი წლის წინ თავის იუთუბ არხზე შეასრულა. სინგლის სემპლი აღებულია Gotye-ს 2011 წლის Billboard Hot 100-ის ლიდერი ჰიტიდან Somebody That I Used to Know, რომელშიც Kimbra მონაწილეობს. თავად Doechii-ს სიმღერის სემპლი კი Sleepy Hallow-მ გააკეთა, რომელიც მის 2023 წლის ალბომში, Boy Meets World-ში შევიდა.
წლევანდელი წელი Doechii-სთვის წარმატებით დაიწყო. გასულ თვეს მან პირველი გრემი მოიგო საუკეთესო რეპ ალბომისთვის, რითაც ამ ჯილდოს მფლობელი მესამე ქალი გახდა ქარდი ბისა და ლორენ ჰილის შემდეგ. ამასთანავე, მისმა სიმღერამ Denial is a River – 21-ე ადგილი დაიკავა Billboard Hot 100-ში, რაც რეპერისთვის ამ დრომდე ყველაზე მაღალი მაჩვენებელია.
მოუსმინეთ Anxiety-ს ოფიციალურ ვერსიას:
