სელენა გომესისა და ბენი ბლანკოს ერთობლივი ალბომის I Said I Love You First-ის გამოსვლამდე გულშემატკივრებს კიდევ რამდენიმე კვირა მოუწევთ ლოდინი, თუმცა 4 მარტს არტისტებმა ალბომში შესული სიმღერების სია გამოაქვეყნეს.
სელენა გომესმა ინსტაგრამზე ფოტო დადო, სადაც სიმღერების სიაა გაზიარებული.
„კიდევ რამდენიმე დეტალს მოგაწვდით… ბენი და მე აღფრთოვანებული ვართ, რადგან ჩვენი ალბომის ოფიციალურ სიმღერების სიას გიზიარებთ“ — დაწერა სელენამ.
ალბომ I Said I Love You First-ის გამოსვლა 21 მარტს იგეგმება, რომელიც უკვე გამოცემულ სინგლებს: Scared of Loving You-ს და Call Me When You Break Up-ს მოიცავს.
ალბომ I Said I Love You First-ში შესული სიმღერების სია კი ასე გამოიყურება: I Said I Love You First, Younger and Hotter Than Me, Ojos Tristes, Don’t Wanna Cry, Sunset Blvd, Cowboy, Bluest Flame, How Does It Feel to Be Forgotten, Do You Wanna Be Perfect, You Said You Were Sorry, I Can’t Get Enough და Don’t Take It Personally.
სიის გამოქვეყნება სელენა გომესის ინსტაგრამ ვიდეოს გამოსვლას მოჰყვა, სადაც არტისტი ალბომის კიდევ ერთ სიმღერაზე მინიშნებებს აკეთებს. ვიდეოში სელენა გომესი მანქანაში ზის და საცეკვაო მელოდიას უსმენს, რომელიც, როგორც ჩანს, Cake-ის 1998 წლის ჰიტის Never There-ის სემპლს მოიცავს.
აღსანიშნავია, რომ სელენა გომესი და ბენი ბლანკო დეკემბერში დაინიშნნენ, ორი თვის შემდეგ კი, ვალენტინობის დღეს, ალბომ I Said I Love You First-ის გამოსვლა ოფიციალურად გამოაცხადეს.
Apple Music 1-ის ეთერში, ზეინ ლოუსთან ინტერვიუში, სელენა გომესმა ახალი პროექტი ასე შეაფასა: „ეს არის იმის ჩვენება, თუ ვინ ვართ ჩვენ ერთად, როგორ შევქმენით ეს ნამუშევარი, როგორ გვიყვარდა პროცესი და როგორ გვიყვარს ერთმანეთი. უბრალოდ, ისე ჩანს თითქოს, ეს წინასწარ გვქონდა გათვალისწინებული.”
ნახეთ სელენა გომესის ინსტაგრამ პოსტი, სადაც იგი ალბომ I Said I Love You First-ში შესული სიმღერების სიას აქვეყნებს.
