მომღერალი მარიამ შენგელია საზოგადოების ყურადღების ცენტრში სხვადასხვა კონკურსებიდან მოექცა. მუსიკალური ნიჭი მას ადრეულ ასაკში აღმოაჩნდა და ბავშვობიდანვე ჰქონდა სცენაზე გამოსვლის გამოცდილება. პირველი კონკურსი, სადაც იგი ფილარმონიის დიდ სცენაზე წარდგა, X ფაქტორი იყო. შემდეგ მუსიკალურ მეგა პროექტ საქართველოს ვარსკვლავში მიიღო მონაწილეობა, ორივე პროექტში მარიამი ფინალისტი მონაწილე იყო. მარიამ შენგელია მღეროდა ბენდში „მიქსტურა“, მისი კარიერა მრავალფეროვანი მუსიკალური პროექტებით გამოირჩევა.
აღსანიშნავია, რომ შვეიცარიამ კონკურსის მასპინძლობა მას შემდეგ მოიპოვა, რაც 2024 წლის ევროვიზიის გამარჯვებული შვეიცარიის წარმომადგენელი Nemo გახდა სიმღერით The Code. ევროვიზია 2025-ის სლოგანია United By Music – „მუსიკით გაერთიანებული”. ევროვიზია 2025 წელს 13, 15 და 17 მაისს გაიმართება.
საქართველოს დებიუტი ევროვიზიაზე 2007 წელს შედგა. კონკურსის პირველი წარმომადგენელი სოფო ხალვაში იყო სიმღერით Visionary Dream. გასულ წელს კი საქართველოს სახელით ევროვიზიაზე ნუცა ბუზალაძე წარადგა, მან 34 ქულით 21-ე ადგილი დაიკავა.
