27 აგვისტოს Black Sea Arena-ს ეზოში მდებარე Front Stage ავსტრალიურ ელექტრო-პოპ დუეტს, Empire Of The Sun-ს უმასპინძლებს. ეს იქნება პირველი შემთხვევა, როცა ჯგუფი ქართველი მსმენელის წინაშე წარდგება.
ბილეთების შეძენა უკვე შესაძლებელია, ფასი 180 ლარია. მომხმარებლებს, რომლებიც ფლობენ Starring Card-ს, ბილეთების შეძენა 20%-იანი ფასდაკლებით შეუძლიათ. ასევე, დასწრების მსურველებს შესაძლებლობა აქვთ ისარგებლონ შეთავაზებით – „გადაანაწილე“. ბილეთები უკვე ხელმისაწვდომია tkt.ge-ზე.
კონცერტის ფარგლებში მსმენელებს ექნებათ შესაძლებლობა, შეხვდნენ არტისტებს, გადაიღონ მათთან ფოტო და მიიღონ სამახსოვრო საჩუქრები ხელმოწერით. ამისთვის საჭიროა სპეციალური პაკეტების შეძენა, რომელთა ღირებულება 670 და 1100 ლარია. ამ პაკეტებზე Starring Card-ის ფასდაკლება არ ვრცელდება.
Empire Of The Sun 2008 წელს შეიქმნა. მისი დებიუტი შედგა ალბომით – Walking on a Dream. ჯგუფის ცნობილი ჰიტებია Walking on a Dream და We Are the People. მათი მუსიკა ელექტრონული ჟღერადობის, როკისა და პოპის ელემენტებს აერთიანებს.
დუეტის წევრები, ლუკ სტილი და ნიკ ლიტლმორი, სხვადასხვა დროს ისეთ პროექტებში მონაწილეობდნენ, როგორებიცაა Pnau და The Sleepy Jackson. შარშან Empire Of The Sun მუსიკალურ სივრცეში დაბრუნდა ახალი სტუდიური ალბომით – Ask That God და ევროპის ტურნეც დაიწყო.
კონცერტი Starring Georgia-ს ფარგლებში იმართება. Starring Georgia-ს 2025 წლის სეზონს 30 მაისს Guns’N Roses გახსნის.
კონცერტის შესახებ დეტალები იხილეთ ბმულზე.
