Playboi Carti-ს ახალ ალბომს სტრიმინგ პლატფორმებზე შთამბეჭდავი დასაწყისი აქვს. 2025 წლის ამ ეტაპის მონაცემებით, გამოშვების შემდეგ (14 მარტი) რეპერის მესამე სტუდიური ალბომი I Am Music ერთ დღეში ყველაზე ხშირად დასტრიმული ალბომი გახდა.
„Carti-ს MUSIC-მა უკვე ისტორია დაწერა,” – განაცხადა „სპოტიფაიმ” პლატფორმა X-ზე.
Carti’s MUSIC is already making history pic.twitter.com/lnDs308z2H
— Spotify (@Spotify) March 16, 2025
ალბომის გამოცემამდე „სპოტიფაიმ” მთავარ ქალაქებში, როგორებიცაა ლოს-ანჯელესი, ნიუ-იორკი და მაიამი, ბილბორდებიც განათავსა წარწერებით: „ქუჩები მზადაა”, „ბოდიში დაგვიანებისთვის” და “I AM MUSIC MF”.
ალბომამდე რეპერმა სინგლი All Red გამოსცა, რომელმაც Billboard Hot 100-ში მე-15, R&B/ჰიპ-ჰოპ ჩარტში კი მე-3 პოზიცია დაიკავა. Carti-მ რამდენიმე კომპოზიცია დადო თავის იუთუბისა და ინსტაგრამის ანგარიშებზეც, მათ შორის იყო „2024”, H00DBYAIR და BACKR00MS ტრევის სკოტის მონაწილეობით.
I AM MUSIC ვარსკვლავური შემადგენლობით გამოირჩევა. მასში მონაწილეობენ ისეთი არტისტები, როგორებიც არიან Young Thug, ტრევის სკოტი, Future, კენდრიკ ლამარი, The Weeknd, Lil Uzi Vert, Skepta და ტაი დოლა საინი. შთამბეჭდავია ასევე პროდიუსერთა სიაც, რომელთა შორის არიან: Cardo, Metro Boomin, Southside, F1lthy, კანიე უესტი, კეშ კობეინი და Ojivolta.
30-სიმღერიანი ჩანაწერი, რომელსაც ფანები დიდხანს ელოდნენ, ხუთი წლის შემდეგ გამოვიდა Carti-ს ბოლო ალბომიდან Whole Lotta Red, რომელიც Billboard 200-ისა და R&B/ჰიპ-ჰოპ ჩარტების ლიდერი გახდა. 2020 წლის ალბომში მონაწილეობდნენ კანიე უესტი, Go2DaMoon, Kid Cudi და Future.
