Poppy-ის წვეულებაზე Billboard-მა Post Malone-თან ინტერვიუ ჩაწერა, სადაც მან Coachella 2025-ზე და სამომავლო ალბომზე ისაუბრა. Post Malone 13 და 20 აპრილს Coachella-ს საღამოს დასკვნით ნაწილში წარდგება მსმენელის წინაშე.
„მათ უნდათ, რომ რამე გიჟური გავაკეთო, საშინლად მეშინია,“ — ამბობს Post Malone და ამატებს, რომ ყოველი შოუს წინ საკმაოდ ღელავს. “გარდა ალბათ იმ ერთისა, როცა 2018 წელს Coachella-ზე Sahara-ს კარავში პირველად დავუკარი, მაშინ ასე არ ვნერვიულობდი. ახლა ალბათ უბრალოდ დავბერდი და ყველაფერი მტკივა.”
ცნობისთვის Poppi – ამერიკული სასმელია, რომელიც მარტში Pepsi Co-მ თითქმის 2 მილიარდ დოლარად შეიძინა. Post Malone გარდა იმისა, რომ მცირე ხნით გამოჩნდა Poppi-ს მხარდასაჭერ წვეულებაზე, Coachella-ს პირველ კვირას ძირითადად კულისებში დარჩა. თავისი გამოსვლის მეორე დღეს კი უკვე ახალ ალბომზე მუშაობა განაახლა.
Post Malone-მა ისაუბრა იმაზე, რამდენად თბილად მიიღო ნეშვილში მუსიკალურმა საზოგადოებამ მას შემდეგ, რაც 2024 წლის წარმატებულ ალბომზე, F-1 Trillion-ზე დაიწყო მუშაობა.
Post Malone-ის თქმით, ამ პროექტისთვის უკვე ორჯერ იმოგზაურა ნეშვილში და დაახლოებით 35 სიმღერა ჩაწერა. ახლა კი მისი გადასაწყვეტია, რომელი სიმღერები შევა ახალ ალბომში. რაც შეეხება კითხვას, შეასრულებს თუ არა ახალ სიმღერებს Coachella-ზე – არტისტმა სიცილით უპასუხა: „არა. რა თქმა უნდა, არა.“
ამ ეტაპზე Post Malone ახალი ალბომის სამუშაო ვერსიის ჩაწერითაა დაკავებული. “საოცრად კარგი სიმღერებია, ვზივარ და ვუსმენ… ზოგადად, არ მიყვარს ჩემი მუსიკის მოსმენა, მაგრამ როცა ჯგუფი უკრავს, უბრალოდ აღფრთოვანებული ვარ.“ – ამბობს Post Malone.
