ყოველ წელს, მაისის პირველ ორშაბათს მოდის სამყაროს ცნობილი კოსტიუმირებული მიღება, Met Gala იმართება. წელს ღონისძიების მოწვეულ თანაორგანიზატორად მეტროპოლიტენის მუზეუმის კოსტიუმების ინსტიტუტმა A$AP Rocky შეარჩია. სწორედ ამ მოვლენასთან დაკავშირებით, 15 აპრილს Vogue-ში სტატია გამოქვეყნდა. სტატიაში რეპერის ბებიამ რიანასა და თავისი შვილიშვილის ურთიერთობაზე ისაუბრა. როგორც აღმოჩნდა, A$AP Rocky-ს ბებია რიანას დიდი თაყვანისმცემელია.
როგორც რეპერის ბებიამ, კეტიამ გამოცემას გაუმხილა, ყოველთვის სჯეროდა, რომ A$AP Rocky დიდ წარმატებას მიაღწევდა. მისი თქმით, განსაკუთრებით ამაყობს თავისი შვილიშვილის ურთიერთობით რიანასთან, რომელთანაც Rocky-ს ორი ვაჟი ჰყავს. „ის გიჟდება რიანაზე,“ – ამბობს რეპერი თავისი ბებიის შესახებ.
„მიხარია, რომ დასტაბილურდა და ბედნიერი, ვარ რომ ეს რიანასთან ერთად შეძლო,“ – თქვა კეტიამ. მისივე თქმით, რიანა რაციონალური და გონიერი ადამიანია.
რიანას და A$AP Rocky-ს ურთიერთობის შესახებ ხმები ჯერ კიდევ 2020 წლის დასაწყისში გავრცელდა. ორი წლის შემდეგ მათ პირველი ვაჟი, RZA შეეძინათ, ხოლო 15 თვის შემდეგ მეორე შვილი – Riot Rose.
რეპერმა რიანასადმი სიყვარულზე თავადაც ისაუბრა და აღნიშნა, რომ ეს გრძნობა ძალიან ძლიერია. Vogue-თან ინტერვიუში ის შვილების თემასაც შეეხო: „უფროსს საკუთარ თავთან ყოფნა და წიგნების კითხვა მოსწონს. უმცროსს კი ძალიან უყვარს ყურადღება,“ – თქვა რეპერმა.
რეპერმა რიანასთან ურთიერთობის შესახებ 2024 წელს Billboard-თანაც ისაუბრა: „უცნაურია, როგორ ვახერხებთ ბალანსის პოვნას ასეთ ქაოსურ გრაფიკში. ყველაფერი მშვენივრად მიდის. არ მგონია, მასზე გულისხმიერი ადამიანი არსებობდეს. როცა ორივეს გადატვირთული გრაფიკი გვაქვს, ძალიან კარგად მიგებს. ეს არის სრული ურთიერთგაგება,” – აღნიშნა A$AP Rocky-მ Billboard-ისათვის მიცემულ ინტერვიუში.
რაც შეეხება Vogue-ის ახალ ინტერვიუს, მასალა Met Gala 2025-მდე ორი კვირით ადრე გამოქვეყნდა. წელს A$AP Rocky ღონისძიების თანაორგანიზატორი იქნება ისეთ ვარსკვლავებთან ერთად, როგორებიც არიან კოლმან დომინგო, ლუის ჰემილტონი და ფარელ უილიამსი. წლევანდელი თემა შავკანიანი მამაკაცის სტილისა და ტანსაცმლის ევოლუციას ეძღვნება.
A$AP Rocky-ს მოდის სამყაროსთან უკვე წლებია, ახლო კავშირი აქვს. 2024 წელს მან თავისი დიზაინით შექმნილი კოლექციაც წარადგინა.
