ამერიკელი რეპერი Mase ფიქრობს, გამოჩნდეს თუ არა დიდის პროცესზე. შონ კომბსის მუსიკალური ლეიბლის, Bad Boy Records-ის ყოფილმა არტისტმა თავისი სპორტული თოქ-შოუს ერთ-ერთ ბოლო ეპიზოდში სწორედ ეს თემა განიხილა. წამყვანმა შოუ It Is What It Is კითხვით გახსნა – უნდა დაესწროს თუ არა პროცესს. Mase-მა ამ საკითხის გადაწყვეტა მაყურებელს მიანდო: „მინდა ფანების აზრი გავიგო. მთხოვენ, რომ Diddy-ს პროცესზე მივიდე. როგორ ფიქრობთ, უნდა დავესწრო?“ – მიმართა წამყვანმა მაყურებელს.
მისმა თანაწამყვანმა ქემრონმა კი უპასუხა: „შენზეა დამოკიდებული, თქვენი ურთიერთობის შესახებ არაფერი ვიცი. საერთოდ, რა ურთიერთობა გაქვთ?“ Mase-მა გაამხილა, რომ სერიოზულად განიხილავს პროცესზე დასწრების ალბათობას. „არა, რამდენიმე ადამიანმა დამირეკა და მკითხა, მივდივარ თუ არა. ვფიქრობდი, თუ მოვახერხებ, ერთი დღით მაინც ხომ არ წავსულიყავი,“ — უთხრა მან თანაწამყვანს. ამის შემდეგ ქემრონმა ჰკითხა, რატომ არ წავიდა Mase 2023 წლის MTV Video Music Awards-ზე, სადაც Diddy-ს Global Icon Award გადასცეს. ამ კითხვას სტუდიაში სიცილი მოჰყვა. „ვნახე, რომ მისი [Diddy-ს] შვილი თქვენი ტრეკის ყველა იმ ნაწილს ასრულებდა, რაც ერთად ჩაწერეთ.”
შონ კომბსი თითქმის რვა თვეა, რაც დაკავებულია და ფედერალურ სასამართლო პროცესს ელოდება, რომელიც 5 მაისს დაიწყება. მას წაყენებული აქვს მძიმე ბრალდებები ორგანიზებულ დანაშაულში, სექსუალურ ექსპლუატაციაში, ტრეფიკინგის ქსელის მართვასა და პროსტიტუციისთვის ხელის შეწყობაში. პროკურატურის განცხადებით, კომბსი ქალებს აშინებდა, ავიწროებდა და აიძულებდა დანაშაულებრივ საქმიანობაში მონაწილეობას, რაც, სავარაუდოდ, მოიცავდა ადამიანების გატაცებას, ქრთამს და იძულებით შრომას. კომბსი ბრალდებებს უარყოფს. Diddy-მ სასამართლოს პროცესის გადადების შუამდგომლობით მიმართა, თუმცა ეს მოთხოვნა არ დაკმაყოფილდა.
