SZA-მ ტეხასში The Grand National Tour-ის ფარგლებში კონცერტი გამართა, შემდეგ კი გულშემატკივრებს სცენის მიღმა, კულისებიდან დაუვიწყარი კადრები გაუზიარა.
2 მაისს SZA-მ ინსტაგრამზე ვიდეო ატვირთა, რომელიც ტეხასს მიუძღვნა. R&B-ის მომღერალი და კენდრიკ ლამარი 26 აპრილს არლინგტონში, AT&T-ს სტადიონზე გრანდიოზული შოუს ფარგლებში წარდგნენ.
„თქვენში უზარმაზარი ენერგია იგრძნობოდა, ეს ჩემთვის დიდი პატივი იყო, მადლობა. ყურადღებას ნუ მიაქცევთ ვიდეოში ჩემს ხმას, ძალიან გადაღლილი და გამოუძინებელი ვიყავი. შემდეგი ვლოგი ატლანტისთვის იქნება.” – მიმართავს SZA ტეხასელ გულშემატკივრებს.
პოსტში მომღერალი ტეხასის საოცარ ენერგიას იხსენებს და მადლობას უხდის დედას, რომელიც მას ყოველი შოუს წინ ამხნევებს.
30 აპრილს The Grand National Tour ატლანტაში გაგრძელდა. შოუზე კენდრიკ ლამარმა Playboi Carti მოიწვია, სადაც არტისტებმა ერთობლივი სიმღერა Good Credit შეასრულეს. სიმღერის, პროდიუსერი Cardo გახლავთ, თავად ტრეკმა კი Billboard Hot 100-ის ჩარტში მე-17 ადგილი დაიკავა, Billboard-ის მუსიკალურ რეიტინგებში კი მეოთხე ადგილზე გავიდა.
The Grand National Tour-ის პარალელურად, კენდრიკ ლამარისა და SZA-ს ჰიტი Luther უკვე მეათე კვირაა Billboard Hot 100-ის სიმღერების ჩარტში ლიდერ პოზიციას იკავებს.
ეს სინგლი კენდრიკ ლამარისთვის მეექვსე ნომერ პირველი ჰიტია, ხოლო SZA-სთვის – მესამე. ამ სიმღერით ორივე არტისტმა კარიერის განმავლობაში ყველაზე ხანგრძლივი პერიოდი დაჰყო Billboard Hot 100-ის ჩარტებში. სინგლი Luther მე-18 კვირაა, Hot R&B/Hip-Hop Songs და Hot Rap Songs ჩარტებში პირველ ადგილს ინარჩუნებს.
ნახეთ SZA-ს გადაღებული კადრები ტეხასში Grand National-ის შოუდან:
