Met Gala-ზე ლიზოს კოსტიუმმა სოციალური ქსელის მომხმარებლებს კრუელა დე ვილის პერსონაჟი გაახსენა. ნამდვილი კრუელას ასოციაცია განსაკუთრებით მაშინ გაჩნდა, როცა ლიზო ხალიჩაზე ცნობილი ანიმაციის გმირის მსგავსად, გრძელი სიგარეტით გამოჩნდა. პოპვარსკვლავმა დისნეის ანტიგმირის როლი მოირგო და ფოტოების გადაღებისას კრუელას ჩვეული ხელების მოძრაობაც გაიმეორა.
ხალიჩაზე გამოჩენამდე რამდენიმე საათით ადრე მან ინსტაგრამზე ვიდეო გამოაქვეყნა წარწერით: „Met… მოვდივარ!””
2025 წლის Met Gala-ს თემა იყო „Superfine: Tailoring Black Style“. ეს თემა არამხოლოდ კოსტიუმირებული მიღების, არამედ ამავე სახელწოდების გაზაფხულის გამოფენის კონცეფციაც არის.
რაც შეეხება ლიზოს მუსიკალურ კარიერას, ის წელს ახალ სინგლებს გამოსცემს ალბომიდან – Love in Real Life, რომლის გამოსვლის თარიღი ჯერ კიდევ უცნობია. ლიზომ აპრილში, Saturday Night Live-ის შოუს სცენაზე რამდენიმე სიმღერა შეასრულა. მათ შორის იყო ახალი სინგლი Don’t Make Me Love You, რომელიც არტისტმა პირველად სწორედ ამ ღონისძიებაზე გააჟღერა.
იხილეთ ლიზოს იმიჯი Met Gala-ზე:
Dia Dipasupil/Getty Images
