მას შემდეგ, რაც რიანამ მოულოდნელად გაამხილა, რომ ორსულად არის, ვარსკვლავი 2025 წლის Met Gala-ს ხალიჩაზეც გამოჩნდა. მომღერალმა განსაკუთრებული ყურადღება მიიპყრო თავისი შეუდარებელი სტილითა და მომრგვალებული მუცლით.
რიანამ იდეალურად განასახიერა საღამოს თემა – Superfine: Tailoring Black Style და მამაკაცის ტანსაცმლით შთაგონებული იმიჯით წარდგა მეტროპოლიტენის ცნობილ კიბეზე. რიანას კოსტიუმის დიზაინერი მარკ ჯეიკობსია.
Savion Washington/Getty Images
A$AP Rocky, რომლისგანაც რიანა მესამე შვილს ელოდება, წლევანდელი Met Gala-ს თანაორგანიზატორი იყო. როკისთან ერთად ამ სტატუსს ფლობდნენ კოლმან დომინგო და ლუის ჰემილტონი, ხოლო საპატიო თავმჯდომარის როლი ლებრონ ჯეიმსს ერგო. Met Gala-ს გახსნამდე ჯეიმსმა X-ზე დაწერა, რომ სეზონის ბოლოს მიღებული მუხლის ტრავმის გამო ღონისძიებას ვერ ესწრებოდა.
წელს Met Gala-ს თემა იყო Superfine: Tailoring Black Style. იდეა შთაგონებულია მონიკა ელ მილერის 2009 წლის წიგნით Slaves to Fashion: Black Dandyism and the Styling of Black Diasporic Identity. ეს თემა არამხოლოდ კოსტიუმირებული მიღების, არამედ ამავე სახელწოდების გაზაფხულის გამოფენის კონცეფციაც არის.
რიანასა და როკის უკვე ჰყავთ ორი ვაჟი – ერთი წლის Riot Rose და RZA, რომელიც მაისში სამი წლის გახდება.
Rihanna attends the #MetGala
— billboard (@billboard) May 6, 2025
See more of the night’s looks: https://t.co/NdCORIltZI pic.twitter.com/f26bzdDERF
