ამერიკელი რეპერი უილი ჯუნიორ მაქსველი, სასცენო სახელით Fetty Wap, 9 მაისს ახალ სინგლს გამოუშვებს.
ინფორმაცია სოციალური ქსელით 7 მაისს გავრცელდა. აქვე აღნიშნულია, რომ ახალი სინგლის გამოცემის პარალელურად, შეიქმნა პეტიცია რეპერის გათავისუფლების მოთხოვნით.
არტისტი 2023 წელს, ფედერალურ ნარკოდანაშაულზე ბრალის აღიარების შემდეგ დააკავეს.
„მას თავისუფლება წაართვეს, მაგრამ ხმას ვერ წაართმევენ. ეს არის Fetty Wap-ის გულიდან წამოსული, ემოციური ნამუშევარი. ეს არ არის მხოლოდ მუსიკა, ეს მისი სიმართლეა, მისი ისტორია და ბრძოლა თავისუფლებისთვის. Fetty Wap-ის შეწყალებისა და გათავისუფლების მოთხოვნით პეტიცია უკვე შედგენილია. მოდით, დავაბრუნოთ ის სახლში.“ – ვკითხულობთ პოსტში, რომელიც არტისტის გუნდმა გაავრცელა.
სიმღერა სახელწოდებით Forever რეპერის პირველი სინგლია მას შემდეგ, რაც პატიმრობაში იმყოფება.
Fetty Wap პირველად 2021 წლის ოქტომბერში დააკავეს, როდესაც პროკურატურამ მასთან ერთად კიდევ ხუთი პირის წინააღმდეგ საქმე აღძრა. გამოძიების მიხედვით, რეპერი 100 კილოგრამზე მეტი ნარკოტიკული საშუალების გადაზიდვაში მონაწილეობდა.
რეპერმა ბრალი აღიარა 500 გრამი კოკაინის რეალიზაციის ეპიზოდში და თავისუფლების 6 წლით აღკვეთა მიესაჯა.
ეს ფაქტი Fetty Wap-ის 2015 წლის სიმღერა Again-ის წარმატებას მოჰყვა, როდესაც ტრეკი TikTok-ის Billboard Top 50-ის სათავეში მოექცა. სიმღერა ვირუსულად გავრცელდა და მალევე სტრიმინგ პლატფორმებზე ახალი სიცოცხლე შეიძინა.
ნახეთ პოსტი სადაც Fetty Wap-ის სიმღერა Forever-ს აანონსებენ:
