Rihanna-ს ახალი კომპოზიციის გამოსვლას წლები დასჭირდა, თუმცა მომღერალმა 16 მაისს ახალი სიმღერა, სახელწოდებით Friend of Mine გამოსცა. კომპოზიცია მომავალი ანიმაციური ფილმის, „სმურფების” საუნდტრეკია, სადაც თავად არტისტი სმურფეტის ახმოვანებს.
პირველად სიმღერის ფრაგმენტი „სმურფების“ ტრეილერში გაჟღერდა, სადაც Rihanna-ს პერსონაჟი სმურფების სოფელში სწორედ ამ სიმღერას მღერის და ცეკვავს. ანიმაციური ფილმის საუნდტრეკები ასევე იქნება DJ Khaled-ის, Cardi B-ს და DESI TRILL-ის ტრეკი Higher Love, რომელიც თებერვალში გამოვიდა. გარდა ამისა, ფილმისთვის ახალ მუსიკას მომღერალი Tyla-ც შექმნის. ანიმაციის პრემიერა კი 18 ივლისს შედგება.
ფილმში ასევე მონაწილეობენ ჯონ გუდმანი, ჯეიმს კორდენი, ნიკ ოფერმანი, Sandra Oh და სხვა ცნობილი მსახიობები. ანიმაციის გახმოვანების გარდა Rihanna ამ პროექტის პროდიუსერადაც მოგვევლინა. 2023 წელს CinemaCon-ზე, ფილმის დაანონსების დროს მომღერალმა, რომელიც მაშინ მეორე შვილს ელოდებოდა, მაყურებელს უთხრა: „მესამე ტრიმესტრში შემიძლია პიჟამოთიც მოვიდე… იმედი მაქვს, ოდესმე შვილები ამას დამიფასებენ.“
ახლა სუპერვარსკვლავი მესამე შვილს ელოდება. Rihanna-მ ორსულობა 2025 წლის Met Gala-ზე ოფიციალურად გაამჟღავნა. მას და მის პარტნიორს, A$AP Rocky-ს უკვე ჰყავთ ორი ვაჟი.
Rihanna-სთვის Friend of Mine 2022 წლის შემდეგ პირველი მუსიკალური რელიზია. ბოლოს მან სიმღერა Lift Me Up გამოუშვა, რომელიც ფილმ Black Panther: Wakanda Forever-ის საუნდტრეკია. სიმღერამ Billboard Hot 100-ის მეორე ადგილი დაიკავა და Rihanna-ს საუკეთესო ორიგინალური სიმღერის კატეგორიაში პირველი ოსკარის ნომინაცია მოუტანა.
მომღერალმა ბოლო ალბომი – Anti 2016 წელს გამოსცა, რომელიც Billboard 200 ჩარტში პირველ ადგილს ორი კვირის განმავლობაში იკავებდა.
მოისმინეთ Rihanna-ს სიმღერა Friend of Mine:
