A$AP Rocky ახალი ალბომიდან – Don’t Be Dumb სიმღერების დაანონსებას აგრძელებს. ახლახან კანის კინოფესტივალზე მისი ფილმის – Highest 2 Lowest პრემიერა გაიმართა. აღნიშნულ ღონისძიებასთან დაკავშირებით, რეპერი და ორსული რიანა ფესტივალის წითელ ხალიჩაზე ერთად გამოჩნდნენ. ამ დროს A$AP Rocky-ის აქამდე უცნობი სიმღერა გაჟღერდა. ტრეკის ტექსტიდან გამომდინარე, ის სწორედ იმ პერსონაჟს მიემართება, რომელსაც A$AP Rocky ფილმში განასახიერებს.
სპაიკ ლის რეჟისორობით გადაღებულმა ფილმმა Highest 2 Lowest, რომელშიც დენზელ ვაშინგტონიც მონაწილეობს, კინომიმომხილველებისგან უმაღლესი შეფასებები მიიღო. პრემიერის შემდეგ ფილმმა თითქმის ექვსწუთიანი აპლოდისმენტები დაიმსახურა. ასევე, დენზელ ვაშინგტონს გადაეცა საპატიო „პალმის რტო“, რომელიც მას თავად სპაიკ ლიმ გადასცა.
ეს უკვე მეხუთე ფილმია, რომელზეც სპაიკ ლიმ და დენზელ ვაშინგტონმა ერთად იმუშავეს. „ეს უკვე მეხუთე ფილმია, რომელიც ერთად გავაკეთეთ,“ – განუცხადა ლიმ ჟურნალისტებს. „ეს ნამდვილად ბედნიერებაა – ერთობლივი ფილმები, რომლებიც ხალხს უყვარს. ვფიქრობ, ამით დასრულდება ჩვენი თანამშრომლობა. ის [დენზელ ვაშინგტონი] პენსიაზე გასვლას გეგმავს, მაგრამ ხუთი ფილმი ერთად – ეს უკვე ბევრს ნიშნავს.”
ფილმი ამერიკის შეერთებული შტატების კინოთეატრებში 22 აგვისტოს გამოვა, ხოლო Apple TV+-ზე 5 სექტემბრიდან იქნება ხელმისაწვდომი.
