Diddy-ს სასამართლო პროცესის მეორე კვირის პარალელურად, 50 Cent კვლავ აგრძელებს შონ კომბსის მისამართით ირონიული პოსტების გამოქვეყნებას. ამჯერად მან Instagram-ზე ხელოვნური ინტელექტის მიერ შექმნილი ფოტო გამოაქვეყნა, რომელშიც თეთრი მაისური აცვია წარწერით “Free Diddy” და სასამართლოს შენობის წინ დგას. ფოტოსთან ერთად კი სტატიის ე.წ. სქრინშოტი ატვირთა, სადაც აღწერილია ქესის დედის, რეჯინა ვენტურას ჩვენება. ვენტურას თქმით, Diddy-მ ქესიზე დახარჯული 20 000 დოლარი მოითხოვა მას შემდეგ, რაც გაიგო, რომ ის Kid Cudi-ს ხვდებოდა. შედეგად, კასანდრა ვენტურას მშობლებს სესხის აღება მოუწიათ.
„მას უბრალოდ უნდოდა, რომ ქესის დედას სახლის უზრუნველყოფით 20 000 დოლარის ოდენობით სესხი აეღო, რომ სექსუალური ჩანაწერები არ გაევრცელებინა. გაათავისუფლეთ Diddy! და მოიცა, ეგ კანონიერია?“ — წერს 50 Cent ფოტოს აღწერაში.
ცოტა ხნით ადრე 50 Cent-მა იხუმრა იმაზე, რომ ხალხს საათში 20 დოლარს სთავაზობენ, თუ “Free Diddy” მაისურით მანჰეტენის ფედერალური სასამართლოს წინ დადგებიან. „Diddy ხალხს მაისურის ტარებაში რომ ფულს უხდის — ეშმაკური სვლაა. 20 დოლარი საათში არც ისე ცუდია. ხვალ შეიძლება მეც ჩავიცვა ერთი საათით,“ — დაწერა მან.
შემდეგ ფოტოზე 50 Cent-ს შავი მაისური აცვია წარწერით Free Diddy. „კარგი, ახლა ვისთან გავაგზავნო ჩემი 20 დოლარის ინვოისი? თუ ვთქვით, რომ შეთანხმებაა, ესე იგი შეთანხმებაა. თუ გინდათ, ხვალ 3-დან 4 საათამდე იქ ვიქნები!“ — წერს რეპერი.
რაც შეეხება სასამართლო პროცესის სხვა დეტალებს — პროკურატურის ინფორმაციით, ამ კვირაში Kid Cudi-ც მისცემს ჩვენებას. დიდი ალბათობით, საუბარი შეეხება Diddy-ს მიერ Cudi-ს მანქანის აფეთქების მცდელობას, რომელიც, სავარაუდოდ, ქესისთან ურთიერთობას უკავშირდებოდა.
